web counter
LEXO PA REKLAMA!

SHKARKO APP

App Store
Google Play

E fundit!

x

“Qytetarët kërkojnë drejtësi”/ Tasholli: Lufta e UÇK-së ishte luftë çlirimtare

17 Shkurt 2026, 14:40, Kosova & Bota CNA

“Qytetarët kërkojnë drejtësi”/ Tasholli: Lufta e

Ismail Tasholli, anëtar i platformës “Liria ka emër”, ka mbajtur fjalën e tij në protestën në sheshin "Skënderbej" në Prishtinë në mbështetje të ish-krerëve të UÇK-së.

Ai ka theksuar se lufta e UÇK-së ishte luftë çlirimtare dhe kjo nuk mund të zhbëhet kurrë.

Ndër të tjera nënvizoi se drejtësia nuk mund të jetë e dirigjuar dhe se qytetarët kërkojnë drejtësi dhe jo politikë.

“Sot dua t’ju drejtohem si qytetar jo si përfaqësues, jo si zë politik. Kur vjen fjala për UÇK-në, aty nuk ka ndarje nuk ka poste, aty jemi të gjithë bashkë. Aty jemi bijtë e bijat e një historie që na ka bashkuar në momente të vështira.

UÇK është themel. Në çdo shtet ku kam shkuar një fjalë ka qenë mbi të gjitha UÇK.

Ka qenë fjala e nderit, fjala që na ka bashkuar dhe që ka mbushur sytë me lot e zemrat me krenari.

E kemi parë me sytë tanë sa shumë e do ky popull UÇK-në, si sakrificë, si pjesë e identitetit tonë.

Sot është 17 shkurti, urime dita e Pavarësisë, është dita ku një popull e shpalli para botës të drejtën për shtet. Sot në Hagë ndodhen ish krerët e UÇK, emra që për shumëkënd përfaqësojnë kapituj të rezistencës dhe shtetndërtimit.

Lufta e UÇK-së ishte luftë çlirimtare dhe kjo nuk mund të zhbëhet kurrë”, tha Tasholli./ CNA

 





Lajmet e fundit nga