web counter
LEXO PA REKLAMA!

SHKARKO APP

App Store
Google Play

E fundit!

x

Seanca solemne në Kuvendin e Kosovës/ Osmani: Lufta e UÇK-së ishte e drejtë dhe e domosdoshme

17 Shkurt 2026, 11:07, Kosova & Bota CNA

Seanca solemne në Kuvendin e Kosovës/ Osmani: Lufta e

Kuvendi i Kosovës po zhvillon sot një seancë solemne për 18-vjetorin e Pavarësisë. Presidentja Vjosa Osmani mbajti fjalën e saj në seancë ku u shpreh se 18 vite më parë Kosova dëshmoi se liria e fituar me sakrificë është e përjetshme.

Ndër të tjera, Osmani theksoi se Ushtria Çlirimtare e Kosovës është është ideali më i madh që ka ndërtuar shqiptarët ndër shekuj, ndërsa shtoi se lufta e saj ishte e drejtë dhe e domosdoshme.

Lidhur me procesin gjyqësor ndaj ish-krerëve të UÇK-së në Hagë, presidentja tha se çdo përjekje për ta barazuar luftën e Kosovës me krimet gjenocidale të Serbisë, jo vetëm që minon drejtësinë, por dëmton themelet e paqes afatgjatë në rajon.

“18 vjet më parë Kosova u ngrit nga vuajtja në dinjitet, rezistenca në shtetësi, duke dëshmuar se liria e fituar me sakrificë është e përjetshme. 18 vjet më parë Kosova u shpall shtet i lirë, i pavarur dhe sovran duke i dhënë fund një udhëtimi të gjatë e të dhimshëm. Pavarësa u fitua me mund, gjak e sakrificë e durim shekullor. U ndërtua nga ata që u persekutuan, dëbuan, burgosën dhe asnjëherë nuk u nënshtruan. Sot përulemi para kujtimit të të gjithë burrave e grave që ranë për këtë ditë, që Kosova të jetë republikë.

UÇK është ideali më i madh që ka ndërtuar shqiptarët ndër shekuj. Kjo luftë ishte e drejtë, e pastër dhe e domosdoshme. Çdo përpjekje për ta njollosur atë, relativizuar apo barazuar viktimën me agresorin është e padrejtë, por edhe e pavërtetë dhe e papranueshme. Krerët e UÇK-së sot në Hagë së bashku me mijëra luftëtarë të tjerë u ngritën për liri, dinjitet për të jetuar të lirë në atdhe. Çdo përjekje për ta barazuar luftën tonë me krimet gjenocidale të Serbisë jo vetëm që minon drejtësinë, por edhe dëmton thellë themelet e paqes afatgjatë në rajonin tonë.

Populli i Kosovës sakrifikoi gjithçka, deri edhe fëmijët në djep për lirinë e vendit. Prandaj nuk do ta pranojmë në Kosovë apo në botë ndonjë narrativë në botë që barazon agresorin me viktimën, e krimin me rezistencën për liri. Rruga e Kosovës ka qenë rrugëtim i gjatë me sfida, por edhe me aleanca të fuqishme e me miqësi të sinqertë. Dua t'i falënderoj të gjithë aleatët tanë. Falënderojmë SHBA-në, aleatin tonë strategjik dhe çdo shtet europian e në botë që qëndroi pranë Kosovës. Pas 18 vitesh shtet, kemi arritur shumë, por kemi edhe shumë për të arritur përpara. 18 vjet shtet janë më shumë përgjegjësi. Le ta ruajmë Kosovën si amanet dhe ta ruajmë lirinë si vlerën më të shtrenjtë. Le ta ndërtojmë shtetin si shtëpi të përbashkët për të gjithë brezat pas nesh. Lavdi dëshmorëve të kombit dhe martirëve të lirisë. Urime 18-vjetori i Pavarësisë. Rroftë Republika e Kosovës për mot e jetë”, tha Osmani. /CNA





Lajmet e fundit nga