web counter
LEXO PA REKLAMA!

SHKARKO APP

App Store
Google Play

E fundit!

x

Ukraina ofron ngrirjen e spermës për ushtarët

17 Shkurt 2026, 10:01, Kosova & Bota CNA

Ukraina ofron ngrirjen e spermës për ushtarët

Ukraina po përballet me një krizë të madhe demografike, e përkeqësuar nga pushtimi i plotë rus. Një program shtetëror tani ofron ngrirjen falas të spermës për ushtarët, në mënyrë që familjet e tyre të kenë mundësi të kenë fëmijë në rast se ushtarët vdesin ose humbasin pjellorinë për shkak të stresit dhe rreziqeve të luftës.

Ushtarë si Maxim thonë për "BBC" se kjo është mënyra për të siguruar “të ardhmen e kombit ukrainas” dhe për të mbrojtur mundësinë e krijimit të familjes së tyre. Fillimisht, ligji kishte parashikuar që mostrat të shkatërroheshin pas vdekjes së ushtarit, por pas një reagimi publik, tani mostrat ruhen deri në 3 vjet dhe mund të përdoren nga partneri me pëlqim të shkruar paraprak.

Programi ka edhe një dimension demografik: shumë burra të rinj janë vrarë në luftë, dhe miliona gra kanë ikur si refugjate. Klinikët e fertilitetit shohin një rënie të numrit të grave shtatzëna dhe rritje të problemeve të shëndetit mendor për shkak të traumës dhe stresit të vazhdueshëm.

Disa familje kanë pasur vështirësi të përdorin mostrat e spermës ose embrionet e ngrira për shkak të ligjeve të vjetra, por ndërhyrja e deputetëve ka ndihmuar në sigurimin e të drejtave për familjet e ushtarëve të rënë. Qëllimi është që fëmijët e ushtarëve të kenë mundësinë të lindin në Ukrainë, vendin që prindërit e tyre kanë mbrojtur me jetën e tyre./ CNA





Lajmet e fundit nga