web counter
LEXO PA REKLAMA!

SHKARKO APP

App Store
Google Play

Kremilini: Akuzat e pesë vendeve europiane për helmimin e Navalny-t, me motiv politik

16 Shkurt 2026, 16:46, Kosova & Bota CNA

Kremilini: Akuzat e pesë vendeve europiane për helmimin e Navalny-t,

Kremlini ka refuzuar kategorikisht pretendimet e pesë vendeve europiane se Rusia ka helmuar dhe vrau liderin opozitar rus Aleksei Navalny gjatë burgimit të tij në vitin 2024.

Britania e Madhe, Franca, Gjermania, Suedia dhe Holanda thanë në një deklaratë të përbashkët se analizat laboratorike të mostrave nga trupi i Navalny-t konfirmuan praninë e një substancë shumë të rrallë helmuese, epibatidine, një toksinë që gjendet në lëkurën e bretkosave helmues në Amerikën e Jugut dhe që nuk gjendet natyrshëm në Rusi.

Sipas këtyre shteteve, vetëm shteti rus kishte mjetet, motivin dhe mundësinë për të kryer këtë sulm ndaj Navalny-t.

Vendet thanë se do ta raportojnë këtë çështje te Organizata për Ndalimin e Armëve Kimike (OPCW) për shkelje të Konventës për Armë Kimike.

Kremlini dhe zyrtarët rusë e mohuan fuqishëm këtë akuzë, duke e quajtur atë të pabazuar, të paqëndrueshme dhe me motiv politik. Ata thanë se nuk e pranojnë aspak këtë pretendim dhe e hodhën poshtë si të pavërtetë.

Zëdhënësi i Kremlinit, Dmitri Peskov, tha se këto akuza janë të njëanshme dhe nuk kanë prova konkrete, dhe se Rusia nuk pranon të jetë objekt i tyre.

Navalny, një kritik i ashpër i presidentit Vladimir Putin, vdiq në një burg të Arktikut në 16 shkurt 2024, ndërsa po vuante një dënim prej 19 vjetësh për “ekstremizëm”, akuza që ai dhe mbështetësit e tij thanë se ishte politike.

Deri më tani, autoritetet ruse kishin thënë se ai vdiq nga arsye natyrore, por analiza europiane thotë se prania e epibatidinës në trup e bën shumë të mundshme helmimin e qëllimshëm./CNA 

 

 

 
 

 

 

 





Lajmet e fundit nga