web counter
LEXO PA REKLAMA!

SHKARKO APP

App Store
Google Play

E fundit!

x

Marco Rubio: SHBA-ja nuk do një Europë të varur dhe të nënshtruar

16 Shkurt 2026, 07:24, Kosova & Bota CNA

Marco Rubio: SHBA-ja nuk do një Europë të varur dhe të

Sekretari amerikan i Shtetit, Marco Rubio, ka deklaruar se Shtetet e Bashkuara të Amerikës nuk duan një Europë të “varur” ose një “shërbëtor”, por një partner.

“Ne nuk duam që Europa të jetë e varur, nuk i kërkojmë Europës të jetë një shërbëtore e Shteteve të Bashkuara”, tha ai gjatë një konference të përbashkët për shtyp në Bratislavë, me kryeministrin sllovak Robert Fico.

Sekretari i Shtetit i SHBA-së këmbënguli se është në interesin e Shteteve të Bashkuara të kenë një Europë të fortë në një kohë kur marrëdhëniet transatlantike po kalojnë një periudhë trazirash.

Të shtunën në Mynih, në një fjalim para Konferencës së Sigurisë, Rubio u bëri thirrje evropianëve të bashkohen pas vizionit të presidentit amerikan për rendin botëror dhe të mbrojnë qytetërimin perëndimor, të cilin ai e sheh të kërcënuar nga imigracioni masiv dhe rënia kulturore dhe industriale, ndërsa në të njëjtën kohë të mbështesin një lidhje të ripërtërirë me një Europë "të fortë".

Rubio pritet të zhvillojë një vizitë edhe në Budapest të Hungarisë, ku do të takohet më kryeministrin Viktor Orban. /CNA





Lajmet e fundit nga