web counter
LEXO PA REKLAMA!

SHKARKO APP

App Store
Google Play

E fundit!

x

Mbrojtja e Krasniqit: Prokuroria pretendime të dobëta, nuk ka prova për të bërë lidhjen e tij me krimet

16 Shkurt 2026, 11:04, Kosova & Bota CNA

Mbrojtja e Krasniqit: Prokuroria pretendime të dobëta, nuk ka prova

Avokati i Jakup Krasniqit, Aiden Ellis, ka nisur me mbrojtjen në seancën e radhës në Hagë.

Sipas avokatit, pretendimet e prokurorisë janë shumë të dobëta, pasi nuk ka prova për të bërë lidhjen e Jakup Krasniqit me krimet.

Prokuroria nuk ka shpjeguar se si mund të vërtetojë lidhjen mes personit në fjalë dhe vizitat në vendet e ndalimit.

“Duke thënë që ka qenë i pranishëm kjo nuk mund të jetë një provë.

Pretendimi është se ka vizituar Lahi Brahimajn. Problemi është cilat janë provat që Krasniqi e dinte që atje kryheshin krime.

Akuza tjetër që Krasniqi ka qenë në zonën e Malishevës në periudhën qershor-korrik '98.

U fokusova në këto vende se janë të vetmet që ka identifikuar Prokuroria në paragrafin 581 të dosjes. Nëse fokusohem te këto akuza humbasim panoramën më të gjerë.

U tha se ka pasur më shumë se 50 vende ndalimi për të cilat u ngritën akuzat në aktakuzë.

Nuk ka asnjë provë që Jakup Krasniqi t’i ketë vizituar këto vende në kohën konkrete apo të ketë pasur dijeni për ndonjë krim të kryer atje.

Prokuroria nuk ka shpjeguar se si mund të vërtetojë lidhjen mes personit në fjalë dhe vizitat në vendet e ndalimit.

Janë renditur disa raste, por nuk mund të pretendojë nëse zoti Krasniqi ka parë persona të ndaluar apo të ketë dëshmuar apo të ketë parë me sytë e tij ndonjë keqtrajtim apo qoftë të ketë qenë i pranishëm në zonë apo të ketë kontribuar në ndonjë krim.

Të thuash se thjesht ka qenë i pranishëm në këto zona janë shumë të dobëta. Prokuroria nuk ka prova për të bërë lidhjen e Krasniqit dhe krimeve”, tha avokati mbrojtës i Jakup Krasniqit./ CNA





Lajmet e fundit nga