web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen armë, municion dhe granata dore në Mitrovicën e Veriut

17 Shkurt 2026, 20:18, Kosova & Bota CNA

Zbulohen armë, municion dhe granata dore në Mitrovicën e Veriut

Policia e Kosovës ka zbuluar tri raste të ndara në veri të vendit mne armë, municion, granata dore dhe mjete të tjera ilegale.

Si rezultat, janë ndërmarrë veprime policore duke kryer kontroll në tri lokacione:

RASTI I
Rreth orës 01:20, njësitë policore kanë kryer kontroll në një shtëpi të pabanuar në fshatin Jagnjenic të Zubin Potokut, ku kanë gjetur dhe sekuestruar:
- 95 fishekë të kalibrave të ndryshëm;
- 1 emblemë si dhe disa spaleta të Policisë së Serbisë.

Zbulohen armë, municion dhe granata dore në Mitrovicën e Veriut

RASTI II
Rreth orës 09:20, njësitë policore gjatë kontrollit në një hambar të një shtëpie të braktisur (të pabanuar) në fshatin Zhitkovc, Komuna e Zveçanit, kanë gjetur dhe sekuestruar:
- 1 armë AK-47;
- 1 granatë dore M-57, prodhim jugosllav;
- 3 karikatorë të zbrazët të AK-47;
- 85 fishekë të kalibrit 7.9 mm;
- 2 uniforma ushtarake me emblema të Serbisë;
- 60 fishekë të armës AK-47.

Zbulohen armë, municion dhe granata dore në Mitrovicën e Veriut

RASTI III
Rreth orës 12:20, njësitë policore kanë kryer kontroll në një shtëpi të pabanuar në fshatin Varage të Zubin Potokut, ku si rezultat kanë gjetur dhe sekuestruar:
- 1 granat dore;
- 50 fishekë të kalibrit 7.62 mm.

Në vendin e ngjarjes, në rastin II dhe III, kanë dalë edhe njësitë për trajtimin e mjeteve eksplozive (EOD), të cilat kanë tërhequr mjetet eksplozive në mënyrë të kontrolluar.

Të gjitha veprimet policore janë ndërmarrë në koordinim të plotë me Prokurorin e Shtetit, i cili ka udhëzuar inicimin e rasteve për veprën penale: “Mbajtje në pronësi, kontroll ose posedim të paautorizuar të armëve”. Lidhur me këto raste, nuk ka persona të arrestuar.





Lajmet e fundit nga