web counter
LEXO PA REKLAMA!

SHKARKO APP

App Store
Google Play

E fundit!

x

"Kosova në NATO duhet të jetë objektivi ynë kombëtar"/ Mediu uron 18-vjetorin e Pavarësisë

17 Shkurt 2026, 16:40, Kosova & Bota CNA

"Kosova në NATO duhet të jetë objektivi ynë

Kryetari i Partisë Republikane, Fatmir Mediu ka uruar 18-vjetorin e Pavarësisë së Kosovës.

Me anë të një postimi në rrjetet sociale, Mediu shkruan se Pavarësia e Kosovës është ngjarja e shekullit për shqiptarët.

Duke u ndalur te ish-krerët e UÇK-së, Mediu tha se ata që ndodhen sot padrejtësisht në Hagë ishin aleatët e parë të NATO-s kundër regjimit të Millosheviçit.

Më tej, kreu i PR tha se objektivi i përbahskët kombëtar duhet të jetë anëtarësimi i Kosovës në NATO.

 

Urimi i Mediut

 

Gëzuar 18-vjetorin e Pavarësisë, Kosovë!

Sot është ditë feste! Pavarësia e Kosovës është ngjarja e shekullit për shqiptarët. UÇK-ja dhe drejtuesit e saj, të cilët sot janë padrejtësisht në Hagë, ishin aleatët e parë të NATO-s në luftë kundër regjimit të Millosheviçit.

Të gjithë shqiptarët përulen me nderim dhe respekt përballë atyre që dhanë jetën për Kosovën, heronjve të gjithë popullit shqiptar, veçanërisht Bacë Adem Jasharit. Liderëve të saj, Ibrahim Rugovës, Adem Demaçit e të tjerëve, burra e gra që iu përkushtuan gjithë jetën Kosovës, lirisë dhe pavarësisë së saj.

Kosova në NATO duhet të jetë objektivi ynë kombëtar, i cili kërkon bashkëpunim dhe seriozitet nga të gjithë shqiptarët, kudo që janë.





Lajmet e fundit nga