web counter
LEXO PA REKLAMA!

SHKARKO APP

App Store
Google Play

E fundit!

x

Gjyqi në Hagë/ Avokati i Thaçit: ZPS nuk ka prova se LDK bojktoi qeverinë për shkak të keqtrajtimit

18 Shkurt 2026, 10:54, Kosova & Bota CNA

Gjyqi në Hagë/ Avokati i Thaçit: ZPS nuk ka prova se LDK

Avokati mbrojtës i ish-presidentit të Kosovës, Luka Misetic, deklaroi në Gjykatën Speciale se Zyra e Prokurorit të Specializuar (ZPS) nuk ka asnjë provë që Lidhja Demokratike e Kosovës (LDK) ka bojkotuar qeverinë e përkohshme për shkak të keqtrajtimit të pretendohet nga Hashim Thaçi apo ndonjë zyrtar tjetër.

Mbrojtja theksoi gjithashtu se LDK kishte krijuar një qeveri paralele që funksionoi deri në vitin 2000 dhe refuzoi të tërhiqej. Ai shtoi se zoti Thaçi ka qenë gjithëpërfshirës dhe ka bërë 15 thirrje konkrete për t’i ftuar përfaqësuesit e LDK-së në qeverinë e përkohshme.

“ZPS nuk ka asnjë provë që LDK bojkotoi qeverinë e përkohshme për shkak të keqtrajtimit të pretenduar prej zotit Thaçi apo ndokujt tjetër.

Siç e thamë edhe javën e shkuar ZPS nuk i referohet asnjë prove të asaj kohe dhe asnjë qëndrim të LDK dhe as të hënën nuk na dha asnjë provë të lidhur me këtë, përkundrazi ju keni prova të asaj kohe që LDK ka bojkotuar qeverinë e përkohshme se nuk dëshironte që të ndante njësoj vendet brenda qeverisë së përkohshme.

Gjithashtu LDK kishte qeverinë e vet paralele që ka funksionuar dhe ka refuzuar të tërhiqej deri në vitin 2000.

Zoti Thaçi ka qenë gjithëpërfshirës. Kemi cituar 15 raste ku zoti Thaçi i ka bërë thirrje LDK-së që të bëhej pjesë e qeverisë”, tha avokati mbrojtës i Thaçit./ CNA





Lajmet e fundit nga