web counter
LEXO PA REKLAMA!

SHKARKO APP

App Store
Google Play

E fundit!

x

"Provat bazuar në thashetheme nuk vërtetojnë asgjë"/ Avokati i Veselit: ZPS po bën lojëra

18 Shkurt 2026, 11:24, Kosova & Bota CNA

"Provat bazuar në thashetheme nuk vërtetojnë

Në ditën e fundit të gjyqit në Hagë, avokati i Kadri Veselit, Rodney Dixon, deklaroi se mbrojtja nuk po bën lojëra, por po kërkon testimin e provave me gjyq.

Avokati Dixon u shpreh se ajo që po bën lojëra është ZPS, ashtu siç bën zakonisht.

Dixon tha se mbrojtja ka trajtuar makinacionet e grumbullimit të thashethemeve nga ZPS në lidhje me ndikimet e drejtpërdrejta.

Më tej, avokati i Veselit u shpreh se në dosjen e mbrojtjes janë 15 faqe ku thuhet se provat bazuar në thashetheme nuk vërtetojnë asgjë.

 

“Nuk po luajmë, është testimi i provave në ligj. Është ZPS që po bën lojërat e veta siç ka bërë zakonisht. E ftuam ZPS në duel dhe po prisnim që ata të kundërargumentonin, por s'e bënë. Halling as nuk guxoi që të paktën të jepte ligjin e gabuar sa i përket ndërhyrjes së drejtpërdrejtë. Dhe sot e kësaj dite nuk i kanë të qarta argumentet e tyre sepse e dinë që janë të gabuara.

Gjykatës, mbrojtja ju kërkon të bëni punën tuaj, të zbatoni ligjin më elementar. Ne i kemi trajtuar makinacionet e grumbullit të thashethemeve që ka ZPS në ldhje me ndikimet e drejtpërdrejta. Në dosjen tonë janë 15 faqe ku kemi thënë se provat bazuar në thashetheme janë grumbull mbeturinash që nuk vërtetojnë asgjë. Mbrojtja e Veselit e ka kundërshtuar qartë pranimin e dokumenteve në rastin e 3 dëshmitarëve.

Në dosjen tonë kemi ilustruar një shembull të gënjeshtrave që janë trajtuar si prova gjyqësore. Zoti Halling u nxitua kur tha se ne nuk shpjeguam si do ta trajtonim dëshminë e dëshmitarit. Fakti që dëshmitari nuk ka qenë fizikisht i ka bërë një dëm mbrojtjes. ZPS nuk thirri asnjë tjetër nga zona e tij, mund të thërriste persona për të cilët dëshmitari ngre pretendime të trilluara”, tha avokati.





Lajmet e fundit nga