web counter
LEXO PA REKLAMA!

SHKARKO APP

App Store
Google Play

E fundit!

x

"Akuzat ndaj nesh, të pabaza"/ Rexhep Selimi: ZPS vijon përpjekjet për të njollosur luftën

18 Shkurt 2026, 14:59, Kosova & Bota CNA

"Akuzat ndaj nesh, të pabaza"/ Rexhep Selimi: ZPS vijon

Ish-themeluesi i UÇK-së, Rexhep Selimi, ka mbajtur ditën e sotme fjalën e tij në gjyqin e Hagës. Selimi deklaroi se shpreson që kjo të jetë hera e fundit që mban fjalën në këtë gjyq dhe të shërbejë ky proces si një mundësi e mirë për drejtësi.

Ish-kreu i UÇK-së u shpreh se shpreson që trupi gjykues të ketë pasur kohën e mjaftueshme për të kuptuar që lufta e Kosovës ishte e drejtë. Selimi tha se pas këtyre viteve procese gjyqësore, koha i ka dhënë të drejtë deklaratës së tij se akuzat janë totalisht të pabazuara.

Duke u ndalur te ZPS-ja, Selimi deklaroi se prokuroria ka vijuar të mbështetet në pretendime të pabaza dhe ka vijuar përpjekjet për të njollosur luftën.

“Shpresoj të jetë hera e fundit që marr fjalën në këtë sallë gjyqi. Le të shërbejë kjo si një mundësi e mirë për drejtësi. Pas gjithë këtyre viteve ka një element pozitiv, shpresoj që trupi gjykues ta ketë pasur kohën të kuptojë se lufta jonë ishte e drejtë. Sot pas gjithë këtij rrugëtimi, procesi më ka dhënë të drejtë, akuzat ndaj nesh janë plotësisht të pabazuara. Kërkoj nga ju të ushtroni drejtësi. ZPS ka vazhduar të mbështetet në pretendime që nuk kanë bazë dhe përpjekje për të njollosur luftën”, tha Selimi./CNA





Lajmet e fundit nga