web counter
LEXO PA REKLAMA!

SHKARKO APP

App Store
Google Play

Ndihmë për rehabilitimin e pallatit?/ Hunter Biden merr në konsideratë kërkesën e familjes mbretërore serbe

21 Qershor 2022, 21:16, Kosova & Bota CNA
Ndihmë për rehabilitimin e pallatit?/ Hunter Biden merr në
Hunter dhe Joe Biden

Hunter Biden, djali i Presidentit të SHBA-së, Joe Biden, ka marrë në konsideratë kërkesën e familjes mbretërore serbe.

Mediat ndërkombëtare raportojnë se Hunter Biden po shqyrton mundësinë për të ndihmuar familjen mbretërore serbe me financime për të rehabilituar pallatet e tyre në Beograd.

Princi i kurorës, Aleksandër Karagjorgjeviç, i Jugosllavisë dhe gruaja e tij, Princesha e Kurorës, Katerina e Serbisë, u takuan me Biden në nëntor të viti 2015 dhe nuk ngurruan t’i kërkonin atij një favor të shtrenjtë.

“Ne kishim probleme me buxhetin e shtetit për Kompleksin Mbretëror të përbërë nga dy pallate të ndërtuara nga gjyshi im, mbreti Aleksandër i Jugosllavisë. Ne shpresonim që Hunter mund të ishte në gjendje të ndihmonte me babanë e tij për të zgjidhur problemin”, tha Alexander për “The Post”.

Është më të vërtetë interesante pasi në atë kohë Zëvendës Presidenti Biden trajtonte një portofol të gjerë ndërkombëtar për Shtëpinë e Bardhë që përfshinte Serbinë.  Dy muaj para thirrjes, ai ishte takuar me kryeministrin serb Aleksandër Vuçiq kur ai vizitoi Shtetet e Bashkuara të Amerikës. Dhe vetëm nëntë muaj pas bisedës së Hunterit me familjen mbretërore, Joe Biden ishte në Serbi duke u takuar me liderët e lartë dhe mbajti një takim në pallatin mbretëror.

Familja mbretërore jeton në Pallatin e Vjetër në Beograd, një banesë luksoze me gjashtë dhoma gjumi e ndërtuar në stilin serbo-bizantin të viteve 1920.  Salla e hyrjes së saj është e shtruar me gurë dhe muret janë zbukuruar me afreske mesjetare. Një dhomë ngrënie zyrtare është e zbukuruar me tavane të gdhendura në dru, llambadarë bronzi dhe piktura nga mjeshtra të vjetër. Pallati i Bardhë fqinj përdoret për pritje.  Kompleksi përmban një kinema, dhomë bilardo dhe një bibliotekë të madhe.

Dhe pse marrin një buxhet më shumë se një milion dollarë në vit nga qeveria për personelin dhe mirëmbajtjen e pallatit për Aleksandrin si duket kjo shifër është e pamjaftueshme./ B.A. – CNA.al





Lajmet e fundit nga