web counter
LEXO PA REKLAMA!

SHKARKO APP

App Store
Google Play

Ndarja nga jeta e analistit/ Kurti: Do t'i mungojë rrethit të intelektualëve

18 Tetor 2025, 20:16, Kosova & Bota CNA

Ndarja nga jeta e analistit/ Kurti: Do t'i mungojë rrethit të

Analisti i çështjeve të Ballkanit, Janusz Bugajski ndërroi jetë ditën e sotme. Në lidhje me këtë ka reaguar dhe kryeministri në detyrë i Kosovës, Albin Kurti, i cili ka shprehur ngushëllimet e tij.

Me anë të një postimi në rrjetet sociale, Kurti shkruan se Bugajski kontribuuoi në rritjen e vetëdijes për situatën në rajon.

Më tej, në postimin e tij kryeministri i Kosovës shkruan se Bugajski është një fgurë që do të mungojë në rrethin e intelektualëve.

 

“Kërkues shkencor, autor i shumë librave dhe njohës i politikës së jashtme. Intelekti i amerikanit Janusz Bugajski, krahas integritetit profesional, e bën atë figurë të respektuar në mesin e studiuesve dhe analistëve ndërkombëtarë. Si hulumtues i mirë i çështjeve të Ballkanit, kontribuoi me shkrime e analiza në rritjen e vetëdijes rreth situatës në rajon përgjatë disa dekadave. Përtej botës akademike, Bugajski shërbeu edhe në administrata amerikane, gjersa ishte aktiv edhe në televizion në emisione të ndryshme. E kam takuar disa herë përgjatë dy dekadave duke filluar prej vitit 1997: te kombinimi i kompetencës me drejtësinë dhe njerëzinë, analisti Bugajski nuk e ka një të dytë.

Janusz Bugajski është figurë e cila do t'i mungojë librit, medias, rrethit të intelektualëve dhe të gjithë neve. Ngushëllime të përzemërta për familjen e më të dashurit e të ndjerit, si dhe për të gjithë ata që e njohën gjatë jetës së tij”, shkruan Kurti./CNA





Lajmet e fundit nga