web counter
LEXO PA REKLAMA!

SHKARKO APP

App Store
Google Play

Pas një sërë skandalesh/ Princi Andrew heq dorë nga titujt mbretërorë

17 Tetor 2025, 20:41, Kosova & Bota CNA

Pas një sërë skandalesh/ Princi Andrew heq dorë nga titujt

Princi Andrew i Mbretërisë së Bashkuar ka njoftuar sot se do të heqë dorë nga përdorimi i titujve të tij mbretërorë, përfshirë titullin si Dukë i Jorkut, pasi ta ketë diskutuar çështjen me të vëllain, Mbretin Charles.

Përmes një deklaratë këtë të premte, Princi bëri me dije vendimin e tij.

“Në diskutim me Mbretin dhe familjen time të ngushtë dhe më të gjerë, kemi arritur në përfundimin se akuzat e vazhdueshme kundër meje shpërqendrojnë vëmendjen nga puna e Madhërisë së Tij dhe Familjes Mbretërore.

Kam vendosur, siç kam bërë gjithmonë, ta vë detyrën time ndaj familjes dhe vendit tim në radhë të parë. I qëndroj vendimit tim pesë vjet më parë për t'u larguar nga jeta publike.

Me pëlqimin e Madhërisë së Tij, mendojmë se tani duhet të shkoj një hap më tej. Prandaj, nuk do ta përdor më titullin tim ose nderimet që më janë dhënë”,-tha Princi Andrew në një deklaratë.

Princi përsëriti se i mohon fuqishëm akuzat kundër tij.

Mediat e huaja raportojë se Andreë nuk do të largohet nga rezidenca e tij në Windsor, Royal Lodge. Princi jeton në rezidencën e listuar të Gradës II, me ish-gruan e tij Sarah Ferguson.

Princi ka një marrëveshje private qiraje me The Crown Estate e cila nuk ndikohet nga çështjet që lidhen me nderimet dhe titujt e tij./CNA





Lajmet e fundit nga