web counter
LEXO PA REKLAMA!

SHKARKO APP

App Store
Google Play

Trump: Do të takohem me Putin-in në Budapest/ Orban: Jemi gati

16 Tetor 2025, 20:13, Kosova & Bota CNA

Trump: Do të takohem me Putin-in në Budapest/ Orban: Jemi gati

Ditën e sotme presidentët e SHBA dhe Rusisë, Donald Trump dhe Vladimir Putin zhvilluan një bisedë telefonike që zgjati mbi 2 orë. Në përfundim të telefonatës Trump deklaroi se me homologun e tij ranë dakord që të zhvillojnë një takim në Budapest të Hungarisë për të diskutuar mbi përfundimin e luftës në Ukrainë.

Trump deklaron se javën e ardhshme do të zhvillohen bisedime të reja midis këshilltarëve të nivelit të lartë, të udhëhequra nga pala amerikane nga Sekretari i Shtetit Marco Rubio.

Në postimin e tij në rrjetet sociale, Donald Trump tha se gjatë kësaj telefonate ishte bërë "përparim i madh", pa dhënë shumë detaje.

"Unë dhe Presidenti Putin do të takohemi më pas në një vend të rënë dakord, në Budapest të Hungarisë, për të parë nëse mund t’i japim fund kësaj lufte të palavdishme midis Rusisë dhe Ukrainës"

Trump deklaron se do të diskutojë bisedën e tij me Putinin kur të takohet me presidentin ukrainas Volodymyr Zelensky në Zyrën Ovale nesër.

Kryeministri hungarez Viktor Orbán ka reaguar përmes një postimi në rrjetet sociale:

“Takimi i planifikuar midis presidentëve amerikanë dhe rusë është një lajm i shkëlqyer për popujt paqedashës të botës”, deklaron Orbán.

"Jemi gati!" shton ai./CNA

 

 

 

 

 

 

 

 

 

 

 

 

 





Lajmet e fundit nga