web counter
LEXO PA REKLAMA!

SHKARKO APP

App Store
Google Play

E fundit!

x

Frika e një sulmi rus/ Kallas: Një sistem i ri antidron duhet të jetë plotësisht funksional deri në fund të 2027-ës

17 Tetor 2025, 09:20, Kosova & Bota CNA

Frika e një sulmi rus/ Kallas: Një sistem i ri antidron duhet të

Shefja e politikës së jashtme të BE-së, Kaja Kallas, është shprehur se një sistem i ri kundër dronëve duhet të jetë plotësisht funksional deri në fund të vitit 2027. Sipas saj, do të jetë pjesë e një përpjekjeje për të forcuar mbrojtjen kundër Rusisë dhe për t’u përgatitur plotësisht për një konflikt të mundshëm deri në vitin 2030.

"Dronët tashmë po e ripërcaktojnë luftën. Të kesh mbrojtje nga dronë nuk është më opsionale për askënd", tha Kallas, duke iu referuar luftës së vazhdueshme të Rusisë në Ukrainë dhe frikës se Moska mund të sulmojë BE-në.

Disa vende të BE-së janë përballur me ndërhyrje ruse në hapësirën e tyre ajrore dhe Presidenti i SHBA-së, Donald Trump, i ka kërkuar bllokut të bëjë më shumë për të mbrojtur veten.

Plani europian i mbrojtjes vjen mes frikës në rritje të europianëve se Rusia do të vazhdojë agresionin e saj drejt perëndimit pasi të mbarojë lufta në Ukrainë, si dhe paqartësisë së vazhdueshme mbi angazhimin afatgjatë të Trump ndaj sigurisë europiane.

"Rreziku nuk do të zhduket as kur të mbarojë lufta në Ukrainë. Është e qartë se duhet të forcojmë mbrojtjen tonë kundër Rusisë", u tha Kallas gazetarëve në Bruksel të enjten.

Krah Kallas ishte dhe Komisioneri Europian i Mbrojtjes, Andrius Kubilius, i cili u shpreh se "udhërrëfyesi ynë tregon të gjitha pikat kryesore për të arritur gatishmërinë mbrojtëse deri në vitin 2030, në mënyrë që të mund të pengojmë agresionin rus, të parandalojmë luftën dhe të ruajmë paqen".

Komisioni ekzekutiv i BE-së tha se unioni me 27 anëtarë duhet të jetë gati deri në vitin 2030 për t'iu përgjigjur çdo krize, përfshirë konfliktin me intensitet të lartë. /CNA





Lajmet e fundit nga