web counter
LEXO PA REKLAMA!

SHKARKO APP

App Store
Google Play

E fundit!

x

"Lironi figurat e rëndësishme"/ Hamas vendos vijën e kuqe për Izraelin

8 Tetor 2025, 16:35, Kosova & Bota CNA

"Lironi figurat e rëndësishme"/ Hamas vendos vijën e

Hamas, e shpallur organizatë terroriste nga BE dhe SHBA-të, në bisedimet e Egjipit me Izraelin për ndalimin e luftës në Gaza ka kërkuar të lirohen eksponentët e saj më të rëndësishëm, të burgosur nga Izraeli.

“Kjo kërkesë është përtej vijës së kuqe, e cila po negociohet nga ekipi ynë përfaqësues në Egjipt. Lirim i tyre do të thoshte vazhdim të luftës e jo paqe”, deklaruan burime të sigurisë izraelite për Euronews.

Marwan Barghouti, Ahmad Sa'adat, Hassan Salameh dhe Abbas al-Sayed. Këta janë katër emrat më të rëndësishëm të listës së Hamas, udhëheqës ushtarakë, të burgosur në Izrael, secili me shumë dënime të përjetshme.

Po përse e kërkon Hamas-i një gjë të tillë?

Hamas ngulmon që këta figura të lirohen, sepse Sa’adat shihet si simbol i rezistencës palestineze, ndërsa Salameh konsiderohet nga Hamas si hero kombëtar. Abbas al-Sayed ka marrë pjesë në sulme terroriste në të shkuarën, megjithatë kërkohet lirimi i tij. Por më i rëndësishmi ështe Barghouti, që mendohet si figura më influente në politikën palestineze, edhe pse plani i paqes i Trump përjashton Hamas-in nga përfshirja në qeverinë e re.

Teksa negociatat vazhdojnë në Egjipt, qeveria izraelite ka refuzuar të prononcohet për Euronews në lidhje me kërkesat e Hamas. Izraeli thotë se edhe pse i sheh me pozitivitet negociatat, prapë është shumë i kujdesshëm ndaj dredhive që mund të përdorë Hamas në bisedime.  Qeveria izraelite i përmbahet planit të Trump, ndërsa Hamas është parimisht dakort, por kërkon bisedime shtesë për pika shumë të rëndësishme të planit.

Harta e treguar nga Shtëpia e Bardhë përfshin tre faza të propozuara të tërheqjes së trupave izraelite. Faza e parë lë rreth 55% të Gazës nën kontrollin izraelit, faza e dytë lë 40% dhe e fundit 15%. Por kjo hartë nuk përputhet me hartat ushtarake të Izraelit të zonave të militarizuara, dhe më e rëndësishmja, asnjëra nuk jep një afat kohor të qartë për tërheqjen e ardhshme./CNA

 





Lajmet e fundit nga