web counter
LEXO PA REKLAMA!

SHKARKO APP

App Store
Google Play

Kurti këmbëngul për të pagjeturit: Të përmendet termi "të zhdukur me dhunë"

6 Prill 2023, 11:15, Kosova & Bota CNA

 

Kurti këmbëngul për të pagjeturit: Të përmendet

Kryeministri i Kosovës, Albin Kurti, është shprehur në tekstin e deklaratës për personat e pagjetur që të përmendet termi "të zhdukur me dhunë".

“Formulimi i saktë në anglisht është ‘forcibly disappeared’, pra do të thotë ata që janë të zhdukur me dhunë dhe kështu është termi, i cili është dakorduar dhe ndodhet në përmbajtjen e marrëveshjes. Pra edhe atëherë kur do të deklarohet, do të thuhet ‘persona të pagjetur’, ‘të zhdukur’, ‘që mungojnë’, gjithmonë bëhet fjalë për të zhdukurit me dhunë”, tha ai.

Të mërkurën, kryediplomati europian, Josep Borrell, deklaroi se kryenegociatorët e Kosovës dhe Serbisë, kanë arritur pajtueshmëri më 4 prill për deklaratën për persona të pagjetur, por nuk ka sqaruar nëse aty përmendet termi "të zhdukur me dhunë".

Drejtori i Zyrës për Kosovën në Qeverinë e Serbisë, Petar Petkoviç, pas takimit në Bruksel me zëvendëskryeministrin, Besnik Bislimi, deklaroi se ky term nuk është pranuar nga pala serbe.

“Vetëm do të shtoja se kemi pasur kujdes të veçantë për të gjitha termat dhe se nuk e kemi pranuar termin e përmendur në konventën ndërkombëtare për zhdukjen e dhunshme, sepse jemi kujdesur që të mos rrezikojmë interesat e Serbisë”, tha ai.

Gjatë luftës në Kosovë janë vrarë rreth 13,000 njerëz, janë zhvendosur mbi 800,000, ndërsa janë zhdukur rreth 6,000.

Të zhdukur, edhe sot e kësaj dite, mbeten ende mbi 1,600 persona.

Ndërkohë në Hagë vijon gjyqi ndaj ish-krerëve të UÇK-së: Hashim Thaçi, Jakup Krasniqi, Kadri Veseli dhe Rexhep Selimi, të cilët akuzohen për krime lufte. 

 

 





Lajmet e fundit nga