web counter
LEXO PA REKLAMA!

SHKARKO APP

App Store
Google Play

E fundit!

x

“Jam skeptike për Francën dhe Anglinë”/ Meloni krah Trump: Nuk dërgoj trupa në Ukrainë

3 Mars 2025, 21:46, Kosova & Bota CNA

“Jam skeptike për Francën dhe Anglinë”/ Meloni krah

Kryeministrja e Italisë, Giorgia Meloni theksoi se nuk do të dërgojë trupa ushtarakë në Ukrainë, pavarësisht nëse Anglia dhe Franca vendosin të ndërmarrin këtë iniciativë. Meloni, u shpreh se i beson plotësisht presidentit të SHBA-ve, Donald Trump kur thotë që po bën të pamundurën për t’i dhënë fund luftës mes Rusisë dhe Ukrainës.

“Unë mendoj se pavarësisht nga të gjitha ato që thuhen dhe idetë që propozohen, objektivi është një dhe i vetëm, paqe mes Rusisë dhe Ukrainës. Duam një paqe përfundimtare që të zgjasë dhe t’i japë siguri Ukrainës për të vazhduar përpara.

Duam që të mos ketë më luftë dhe kjo i shërben Ukrainës, Europës, të gjithëve, veçanërisht të gjithë atyre që ndjehen të kërcënuar nga Rusia. Unë besoj te dëshira e Trump për t’i dhënë fund kësaj lufte, ai është një lider i fortë dhe që nuk mund t’ia lejojë vetes të nënshkruajë një marrëveshje e cila në të ardhmen e afërt të mund të injorohet.

Unë jam disi skeptike sa i takon dërgimit të trupave ushtarake nga Franca dhe Anglia në Ukrainë. Italia nuk do ta bëjë këtë. Jemi në një moment ku të gjithë bëjnë propozimet e tyre me shpresën për të gjetur një zgjidhje”, tha Meloni. /CNA





Lajmet e fundit nga