web counter
LEXO PA REKLAMA!

SHKARKO APP

App Store
Google Play

E fundit!

x

Votat e diasporës në Kosovë/ Numërohen fletëvotimet në 13 komuna

3 Mars 2025, 15:55, Kosova & Bota CNA

Votat e diasporës në Kosovë/ Numërohen fletëvotimet

Komisioni Qendror i Zgjedhjeve në Kosovë ka njoftuar se në Qendrën e Numërimit dhe Rezultateve në Prishtinë është duke vazhduar numërimi i fletëvotimeve nga votimi me postë jashtë Kosovës.

Deri në përfundim të ditës së premte në këtë qendër janë numëruar fletëvotime që u takojnë votuesve të komunave Deçan, Gjakovë, Leposaviq, Novobërdë, Shtërpcë, Zubin Potok, Zveçan, Mamushë, Hani i Elezit, Graçanicë, Ranillug, Kllokot dhe Mitrovicë e Veriut.

Në proces të numërimit janë fletëvotime të ndara në kuti të votimit që u takojnë komunave Deçan, Gjilan, Dragash, Drenas, Istog, Klinë, Kamenicë dhe Kaçanik.

Procesi i numërimit po zhvillohet në prezencë të vëzhguesve të akredituar.

Të gjithë shtetasit e Kosovës që gjatë regjistrimit u regjistruan individualisht për të votuar përmes postës, mund të dërgonin pakon e tyre me fletëvotim në adresë të ndonjërës nga 23 kutitë postare të Komisionit Qendror të Zgjedhjeve të hapura në shtete të ndryshme.

Numri i pakove të supozuara me fletëvotime dhe që janë aprovuar nga KQZ, pas procesit të vlerësimit, është më shumë se 63 mijë copë./CNA

Votat e diasporës në Kosovë/ Numërohen fletëvotimet





Lajmet e fundit nga