web counter
LEXO PA REKLAMA!

SHKARKO APP

App Store
Google Play

Instituti Hidrometeorologjik i Kosovës: Mot me reshje të dendura shiu, rrezik në disa zona

22 Nëntor 2025, 17:43, Kosova & Bota CNA

Instituti Hidrometeorologjik i Kosovës: Mot me reshje të dendura shiu,

Instituti Hidrometeorologjik i Kosovës, përmes një parashikimi meteorologjikdhe hidrologjik, paralajmëron për mot të keq, me reshje të dendura shiu brenda një periudhë 12-orëshe.

Situata pritet të dominojnë sidomos në pjesën veri-lindore, (Pellgu i Llapit), qendrore (Sitnica) dhe jugore (Pellgu i Lepencit).

Moti parashikohet si potencialisht i rrezikshëm, teksa u bëhet thirrje qytetarëve të kenë kujdes të shtuar.

“Për datat 22-23 nëntor, parashikohet shi, të paktën 20 mm (1/m2) brenda një periudhe 12-orëshe.  Niveli i Alarmit: i verdhë

Duke pasur parasysh, situatën e përgjithshme të pa qëndrueshme hidrometeorologjike gjatë këtyre ditëve, e cila qe e përcjellur me reshje, duke shkaktuar edhe vërshime në disa zona të vendit. Aktualisht lumenjtë në tërë vendin kanë pësuar rënie, por reshjet e shiut të cilat parashikohet të bien gjatë orëve në vazhdim, sidomos në pjesën lindore (Pellgun e Moravës së Binçës), do të ndikojnë në ngritjen e niveleve sidomos atyre malore dhe rrjedhimisht edhe Lumin Morava e Binçës me degën kryesore Kriva Reka, të cilat mund të shkaktojnë vërshime.

Situata e tillë do të dominojnë edhe në pjesë tjera të vendit, sidomos pjesa veri-lindore, (Pellgu i Llapit), qendrore (Sitnica) dhe jugore (Pellgu i Lepencit).

Moti është potencialisht i rrezikshëm. Fenomenet e motit që janë parashikuar nuk janë të pazakonta, por kini kujdes nëse keni ndërmend të praktikoni aktivitete të ekspozuara ndaj rreziqeve meteorologjike. Qëndroni të informuar rreth kushteve të pritshme meteorologjike dhe mos merrni përsipër rreziqe të shmangshme”,-thuhet në njoftim./CNA

 

 

 





Lajmet e fundit nga