web counter
LEXO PA REKLAMA!

SHKARKO APP

App Store
Google Play

E fundit!

x

Ukraina do të fillojë bisedimet në Zvicër për planin e paqes me SHBA-në

22 Nëntor 2025, 17:09, Kosova & Bota CNA

Ukraina do të fillojë bisedimet në Zvicër për planin e

Ukraina do të fillojë bisedimet me SHBA-në mbi planin e paqes me 28 pika të sugjeruar bashkërisht nga Rusia dhe SHBA-ja në ditët në vijim në Zvicër.

Presidenti ukrainas Volodymyr Zelensky tha këtë të shtunë se kishte emëruar një delegacion për të diskutuar me Uashingtonin planin për të ndaluar luftën e Rusisë në Ukrainë.

“Kam nënshkruar një dekret mbi përbërjen e delegacionit ukrainas dhe kam miratuar të gjitha direktivat përkatëse. Përfaqësuesit tanë dinë si të mbrojnë interesat kombëtare të Ukrainës dhe saktësisht se çfarë nevojitet për të parandaluar Rusinë të kryejë një pushtim të tretë, një tjetër sulm kundër Ukrainës”,-tha Zelensky.

Sipas Rustem Umerov, Sekretarit të Këshillit të Sigurisë dhe Mbrojtjes Kombëtare të Ukrainës, vendi po hyn në fazën e fundit të bisedimeve me Shtetet e Bashkuara me një kuptim të qartë të interesave të saj kombëtare.

SHBA ka hartuar një draft plan paqeje për t'i dhënë fund luftës së Rusisë me Ukrainën me 28 pika.

Drafti thuhet se është hartuar nga negociatori i Trump, Steve Ëitkoff, dhe zyrtari i Kremlinit, Kirill Dmitriev./CNA





Lajmet e fundit nga