web counter
LEXO PA REKLAMA!

SHKARKO APP

App Store
Google Play

Gjermania voton të dielën kancelarin/ Friedrich Merz kryeson sondazhet

19 Shkurt 2025, 12:48, Kosova & Bota CNA

Gjermania voton të dielën kancelarin/ Friedrich Merz kryeson sondazhet

Gjermania do të zhvillojë këtë të diel zgjedhjet. Katër kandidatë konkurrojnë për t’u zgjedhur kancelari i ardhshëm i Gjermanisë. Në garë janë Friedrich Merz, lideri i opozitës gjermane; kancelari aktual Olaf Scholz; zëvendëskancelari aktual Robert Habeck si dhe Alice Weidel, lidere e AfD.

Lideri i opozitës gjermane, 69-vjeçari Friedrich Merz, me bllokun e tij të qendrës së djathtë, Union, është kandidati kryesor që kryeson sondazhet. Merz mori drejtimin e partisë Unioni Kristian Demokrat në vitin 2021 pas tërheqjes së ish-kancelares Merkel. Në fushatën zgjedhore të Merz, çështje qendrore ka frenimin e emigracionit të parregullt.

Në vitin 1989, Friedrich Merz iu bashkua Parlamentit Europian dhe pesë vite më vonë u bë ligjvënës në Gjermani. Lideri i opozitës gjermane nuk ka mbajtur më parë poste në qeveri. Merz pas vitit 2009 u shkëput nga politika për disa vite drejtoi bordin mbikëqyrës të degës gjermane të menaxherit të investimeve BlackRock.

Robert Habeck, 55 vjeç është kandidat i ambientalistëve të të Gjelbërve. Ai është gjithashtu zëvendëskancelari aktual i Gjermanisë dhe ministri i Ekonomisë dhe Klimës, me përgjegjësi për çështjet e energjisë.

Kandidati tjetër është Olaf Scholz, 66 vjeç. Shcolz është kancelar i Gjermanisë që nga dhjetori i 2021. Më parë Scholz ka shërbyer si kryebashkiak i Hamburgut dhe si ministër i Punës dhe Financave.

Alice Weidel është kandidatja e fundit për postin e kancelarit. Ekonomistja që drejton AfD duket se nuk ka asnjë mundësi të fitojë pasi partitë e tjera kanë refuzuar bashkëpunimin me partinë e saj./ CNA





Lajmet e fundit nga