web counter
LEXO PA REKLAMA!

SHKARKO APP

App Store
Google Play

E fundit!

x

Papa Françesku vuan nga pneumonia e dyfishtë/ Vatikani konfirmon diagnozën

18 Shkurt 2025, 20:26, Kosova & Bota CNA

Papa Françesku vuan nga pneumonia e dyfishtë/ Vatikani konfirmon

Zyra e Shtypit e Selisë së Shenjtë të Vatikanit dha sot përditësimin më të fundit mbi shëndetin e Papës, që kur ai u shtrua në spital të premten për të marrë trajtim për bronkit.

Në një deklaratë për shtyp të bërë këtë të martë në mbrëmje, Zyra e Shtypit njoftoi se Papa Françesku ka pneumoni të dyfishtë, por megjithatë "mbetet në humor të mirë"

“Testet laboratorike, radiografitë e gjoksit dhe gjendja klinike e Atit të Shenjtë vazhdojnë të paraqesin një pamje komplekse”, -thuhet nga Vatikani.

Në deklaratë shtohet se “infeksioni polimikrobial, i cili është shfaqur në kontekstin e bronkektazisë dhe bronkitit astmatik, dhe ka kërkuar përdorimin e kortikosteroideve dhe antibiotikëve, e bën trajtimin terapeutik më kompleks”.

Deklarata e Zyrës së Shtypit përfundon duke vënë në dukje se Papa "ka marrë Eukaristinë dhe, gjatë gjithë ditës, ka alternuar pushimin, lutjen dhe leximin. Ai shpreh mirënjohjen e tij për mbështetjen që ndjen në këtë kohë dhe me dashamirësi kërkon që lutjet për të të vazhdojnë"./CNA 





Lajmet e fundit nga