web counter
LEXO PA REKLAMA!

SHKARKO APP

App Store
Google Play

E fundit!

x

“Gati për një takim trepalësh”/ Trump: Telefonova Putin-in, kemi filluar organizimin

19 Gusht 2025, 08:19, Kosova & Bota CNA

“Gati për një takim trepalësh”/ Trump: Telefonova

Presidenti Donald Trump, pas takimit me Zelensky-n, ka theksuar se e ka telefonuar Presidentin Putin.

Tashmë ai bën me dije se kanë nisur organizimin për takimin trepalësh.

Po ashtu theksoi se ky është një hap shumë i mirë për një luftë që ka katër vite që zhvillohet.

Trump tha se të gjithë janë të lumtur për mundësinë e paqes mes Rusisë dhe Ukrainës.

“Pata një takim shumë të mirë me mysafirë të shquar, presidentin Volodymyr Zelenskyy të Ukrainës, presidentin Emmanuel Macron të Francës, presidentin Aleksandër Stubb të Finlandës, kryeministren Giorgia Meloni të Italisë, kryeministrin Keir Starmer të Mbretërisë së Bashkuar, kancelarin e Republikës Federale të Gjermanisë, Friedrich Merz, Presidenten e Komisionit Europian, Ursula von der Leyen, dhe Sekretarin e Përgjithshëm të NATO-s, Mark Rutte, në Shtëpinë e Bardhë, të cilët përfunduan në një takim të mëtejshëm në Zyrën Ovale. Gjatë takimit diskutuam për Garancitë e Sigurisë për Ukrainën, të cilat do të siguroheshin nga vendet e ndryshme të Europës, me një koordinim me Shtetet e Bashkuara të Amerikës.

Të gjithë janë shumë të lumtur për mundësinë e PAQES për Rusinë/Ukrainën.

Në përfundim të takimeve, telefonova presidentin Putin, dhe fillova organizimet për një takim, në një vend që do të përcaktohet, mes presidentit Putin dhe presidentit Zelenskyy.

Pasi të zhvillohet ai takim, do të kemi një Trilat, që do të ishin dy Presidentët, plus unë. Përsëri, ky ishte një hap shumë i mirë, i hershëm për një luftë që po zhvillohet për gati katër vjet.

Nënpresidenti JD Vance, sekretari i shtetit Marco Rubio dhe i dërguari special Steve Witkoff, po koordinohen me Rusinë dhe Ukrainën. Faleminderit për vëmendjen tuaj ndaj kësaj çështjeje!”, shkruan Trump./ CNA





Lajmet e fundit nga