web counter
LEXO PA REKLAMA!

SHKARKO APP

App Store
Google Play

Zelensky, në Uashington: Rusia t’i japë fund luftës, shpresojmë që Amerika ta detyrojë për të arritur paqen

18 Gusht 2025, 08:37, Kosova & Bota CNA

Zelensky, në Uashington: Rusia t’i japë fund luftës,

Presidenti i Ukrainës, Volodymyr Zelensky, ka mbërritur në Uashington.

Përmes një postimi në rrjetet sociale, Zelensky deklaron se të gjithë ndajnë një dëshirë të fortë për ta përfunduar luftën dhe të ketë një paqe të qëndrueshme, jo si në kohën kur Ukraina u detyrua të hiqte dorë nga Krimea apo kur i dhanë garanci sigurie në 1994 dhe nuk funksionuan.

“Jam mirënjohës ndaj Presidentit Donald J. Trump për ftesën. Ne të gjithë ndajmë një dëshirë të fortë për ta përfunduar këtë luftë shpejt dhe me besueshmëri. Dhe paqja duhet të jetë e qëndrueshme.

Jo siç ishte vite më parë, kur Ukraina u detyrua të hiqte dorë nga Krimea dhe një pjesë e Lindjes sonë - një pjesë e Donbasit - dhe Putini thjesht e përdori atë si një trampolinë për një sulm të ri. Apo kur Ukrainës iu dhanë të ashtuquajturat "garanci sigurie" në vitin 1994, por ato nuk funksionuan. Sigurisht, Krimea nuk duhej të ishte dorëzuar atëherë, ashtu siç ukrainasit nuk hoqën dorë nga Kievi, Odesa apo Kharkivi pas vitit 2022”, thekson Zelensky.

Më tej presidenti i Ukrainës është shprehur se ukrainasit po luftojnë për tokën dhe pavarësinë e tyre.

“Ukrainasit po luftojnë për tokën e tyre, për pavarësinë e tyre. Tani, ushtarët tanë kanë suksese në rajonet e Donetskut dhe Sumit. Jam i bindur se ne do ta mbrojmë Ukrainën, do të garantojmë në mënyrë efektive sigurinë dhe se populli ynë do të jetë gjithmonë mirënjohës ndaj Presidentit Trump, të gjithëve në Amerikë dhe çdo partneri dhe aleati për mbështetjen dhe ndihmën e tyre të paçmuar”, deklaron ai.

Ndër të tjera Zelensku nënvizon se Rusia duhet t’i japë fund luftës të cilën e nisi vetë.

Ai thotë se shpreson se Amerika do ta detyrojë Rusinë për të arritur një paqe të vërtetë.

“Rusia duhet t'i japë fund kësaj lufte, të cilën e filloi vetë. Dhe shpresoj që forca jonë e përbashkët me Amerikën, me miqtë tanë europianë, do ta detyrojë Rusinë të arrijë një paqe të vërtetë”, përfundon Zelensky./ CNA





Lajmet e fundit nga