web counter
LEXO PA REKLAMA!

SHKARKO APP

App Store
Google Play

E fundit!

x

Pas takimit në Bruksel/ Zelensky: Europa të mbetet po aq e bashkuar sa ishte në vitin 2022

17 Gusht 2025, 20:39, Kosova & Bota CNA

Pas takimit në Bruksel/ Zelensky: Europa të mbetet po aq e bashkuar sa

Presidenti ukrainas është shprehur pas takimit të kësaj të diele me Presidenten e Komisionit Europian Ursula Von Der Leyen në Bruksel, se Ukraina ndau qëndrimet mbi unitetin transatlantik, përpjekjet për paqe, çështjet territoriale dhe garancitë e sigurisë, përfshirë pranimin e Ukrainës në BE.

Përmes një postimi në platformën ‘X’, Zelensky thekson se është thelbësore që Evropa të mbetet po aq e bashkuar sa ishte në vitin 2022, duke iu referuar periudhës para nisjes së pushtimit rus.

“Sot në Bruksel, përshkrova qëndrimet tona mbi unitetin transatlantik, përpjekjet për paqe, çështjet territoriale dhe garancitë e sigurisë, përfshirë pranimin e Ukrainës në BE. Është thelbësore që Evropa të mbetet po aq e bashkuar sa ishte në vitin 2022. Ky unitet i fortë është thelbësor për të arritur një paqe të vërtetë”,-shkruan Zelensky.

Më herët, presidenti ukrainas Volodymyr Zelensky, deklaroi se strategjia e Rusisë mbetet "anti-europiane" dhe kontinenti duhet të qëndrojë i bashkuar në çdo negociatë të mëtejshme për të ndaluar luftën e përgjithshme të Moskës në Ukrainë.

Takimi midis të dyve vjen ndërsa një sërë udhëheqësish europianë njoftuan se do t'u bashkohen bisedimeve të tij me Presidentin e SHBA-së Donald Trump në Uashington të hënën./CNA 





Lajmet e fundit nga