“Erdhi nga gjaku i dëshmorëve”/ Kurti: Kapitulli i pavarësisë duhet të mbetet i tillë

17 Shkurt 2023, 12:53, Kosova & Bota CNA

“Erdhi nga gjaku i dëshmorëve”/ Kurti: Kapitulli i

Kryeministri i Kosovës, Albin Kurti, nga salla e Kuvendit tha se akti i shpalljes së pavarësisë më 2008 shënon hapjen e një kapitulli të pakthyeshëm për historinë moderne të Kosovës.

Kurti theksoi se Pavarësia e Kosovës erdhi si rezultat i luftës së lavdishme të UÇK-së të cilën me luftën e drejtë të tyre arritën, bashkë edhe me aleatët ndërkombëtar ndihmuan për çlirimin nga Serbia më 1999.

“Ky kapitull duhet të mbetet i tillë duke u mbrojtur politikisht dhe duke u forcuar nga të gjithë në secilin rast para çdo sfide. Republika e Kosovës erdhi nga gjaku i dëshmorëve dhe martirëve të rënë, siç erdhi edhe nga kontributi i tyre që i drejtuan dhe zhvilluan proceset politike shtetndërtuesese deri në këtë ditë”, ka shtuar tutje Kurti.

Tutje, ka thënë se pavarësia e Kosovës ka ardhur si rezultat i luftës së lavdishme të UÇK-së të cilën me luftën e drejtë të tyre arritën që t’i përfshijnë edhe aleatët ndërkombëtar që ta ndihmojnë Kosovën për t’u çliruar nga Serbia më 1999. Republika jonë erdhi nga lufta e lavdishme e UÇK-së që me luftën e tyre të drejtë arritën t’i përfshijnë edhe aleatët ndërkombëtar që më 1999 na ndihmuan të çlirohemi”, tha Kurti.

Kryeministri i Kosovës, theksoi gjithashtu se aleatët ishin mbështetës të veprimeve politike, të cilat kulmuan me shpalljen e pavarësisë më 2008.

Kurti ka thënë se kanë qenë po këta aleatë që në vitin 2008 kishin përkrahur faktorët vendorë për të koordinuar veprimet politike dhe proceset e domosdoshme demokratike që rezultuan me shpalljen e pavarësisë.

“Ishin po këta aleatë që më 2008 mbështeten po ata faktor vendorë në koordinimin e gjithë atyre veprimeve politike dhe proceseve të domosdoshme diplomatike që kulmuan me shpalljen e pavarësisë më 2008. Që nga atëherë partnerët dhe aleatët kanë qenë të pandashëm ndaj synimeve të Kosovës”, u shpreh kryeministri Kurti.