web counter
LEXO PA REKLAMA!

SHKARKO APP

App Store
Google Play

E fundit!

x

Video-incizimet trazojnë politikën në Kosovë/ Prokuroria Speciale merr në pyetje Albin Kurtin

16 Shkurt 2023, 11:51, Kosova & Bota CNA

Video-incizimet trazojnë politikën në Kosovë/ Prokuroria

Duket se marrëdhënia mes deputetit të Vetëvendosjes, Haki Abazi dhe kryeministrit Albin Kurti ka shkuar drejt një krisjeje pa kthim.

Deputeti i LVV-së mbajti këtë të enjte një konferencë për shtyp, ku foli për ekzistencën e një video-incizimi që sipas tij do të zbardhte zhdukjen e mostrave në IML të Astrit Deharit.

Në lidhje me këtë deklaratë të fortë ka reaguar dhe kryeprokurori i Prokurorisë Speciale, Blerim Isufaj, i cili ka thënë se do të merret në pyetje kryeministri Kurti dhe vetë deputeti i LVV-së.

Isufaj ka konfirmuar për "Gazetën Nacionale" se kjo do të ndodhë ditën e hënë për shkak se dita e nesërme është pushim zyrtar.

“Nëse ka thënë ashtu, ne nesër do ta intervistojmë Kurtin e Haxhiun. Në fakt të hënën, meqenëse nesër nuk është ditë pune, menjëherë në ditën e ardhshme të punës, do t’i i ntervistojmë.” – ka thënë Isufaj.

Kujtojmë se rasti i zhdukjes së mostrave të Astrit Deharit, një të riu kosovar, i cili humbi jetën në rrethana misterioze në paraburgim, ende po hetohet nga Prokuroria në Prishtinë.

“Nuk mundem me komentu asgjë, rasti është nën hetim,”- tha Isufaj.

Deputeti i Vetëvendosjes, Haki Abazi, i bëri deklaratat e tij nga holli i Kuvendit, në nisje të seancës plenare të kësaj të enjteje.

Abazi tha se ka video-incizime që dëshmojnë kush i ka zhdukur mostrat e Astrit Deharit në Institutin e Mjekësisë Ligjore.

“Audio-incizimet konfirmojnë diskutimin ndërmjet Saranda Bogujevcit, Mimoza Kusarit e Dejona Mihalit për ngulfatjen e zërit të deputetëve brenda Kuvendit. Video-incizimet janë ato që ju duhet t’i kërkoni për të konfirmuar se kush ka zhdukur mostrat e Astrit Deharit”, tha Abazi, raporton "Nacionale".

Sipas tij, pyetjet që ka ngritur ai rreth rastit Dehari, kanë bërë që të kërkohet shkarkimi i tij.

"Hulumtimi im, diskutimet që kam bërë me njerëz përgjegjës kanë sjellë te shkarkimi dhe anatemimi brenda VV-së. Shkarkimi im është minor ndaj borxhit që kemi se ka ndodhur me rastin Dehari, si është e mundur në pushtetin e VV-së të zhduken mostrat e Astrit Deharit, dhe kryeministri Kurti të mos e thotë asnjë fjalë të vetme”, tha Abazi më tutje.

“As si deputet nuk mund të rrijmë të heshtur përballë një procesi të tillë, dhe duhet ta kryejmë punën që na takon për ta zbardhur këtë temë. Instituti monitorohet 24 orë nga kamerat dihet qartë se kush ka hyrë te frigoriferi dhe ka nxjerrë mostrat që kanë qenë të vendosura nën mostrat tjera dhe janë zhdukur. Porosia ime për Albulena Haxhiun është që të kryejë punën e saj”, deklaroi Haki Abazi.





Lajmet e fundit nga