web counter
LEXO PA REKLAMA!

SHKARKO APP

App Store
Google Play

E fundit!

x

Aeroportet i përgjigjen thirrjes së sindikatës/ Të premten anulohen më shumë se 700 fluturime

15 Shkurt 2023, 21:56, Kosova & Bota CNA
Aeroportet i përgjigjen thirrjes së sindikatës/ Të premten
Foto ilustruese

Të premten do të anulohen të gjitha fluturimet e rregullta të pasagjerëve në aeroportin e Mynihut.

Kjo është bërë e ditur nga Flughafen München GmbH (FMG), operatori i aeroportit të Mynihut.

Konkretisht fluturimet do të ndërpriten nga ora 12:00 e së premtes deri në orën 01:00 të së shtunës.

Ky vendim vjen si përgjigje ndaj thirrjes për grevë të sindikatës së shërbimeve “Verdi” dhe do të preken më shumë se 700 fluturime.

Të gjitha fluturimet të veçanta si fluturimet e ndihmës, fluturimet për emergjencat mjekësore, teknike dhe fluturimet për Konferencën e Sigurisë nuk do të preken nga greva.

Aeroporti rekomandon pasagjerët që të pyesin me kompaninë e tyre ajrore përkatëse se si të procedojnë, raporton media gjermane “BR24”.

Gjithashtu fluturimet do të anulohen edhe në aeroportet e Frankfurtit, Hamburgurt dhe Shtutgartit.

Kujtojmë se sindikata Verdi ka paralajmëruar greva ditore dhe thirrjes i janë përgjigjur disa aeroporte gjermane.

Greva është thirrur për punonjësit e sektorit publik, të aviacionit dhe shërbimeve tokësore.

Shoqata e aeroporteve ADV ka deklaruar se nga anulimet mund të prekin 2340 fluturime vendase dhe ndërkombëtare.

Kujtojmë se sindikata është në negociata të vështira për rritjen e pagave të punonjësve në shërbimet publike në nivel të shtetit, qyteteve dhe bashkive. Stafi i aeroportit shpesh paguhet sipas marrëveshjeve kolektive. Në të njëjtën kohë, po vazhdojnë negociatat për pagat e pjesës tjetër të stafit, si dhe të të punësuarve në kontrollin e fluturimeve./ B.A. - CNA.al





Lajmet e fundit nga