web counter
LEXO PA REKLAMA!

SHKARKO APP

App Store
Google Play

E fundit!

x

Ministri gjerman i Mbrojtjes kërkon shpenzime më të mëdha ushtarake

16 Shkurt 2023, 08:25, Kosova & Bota CNA

Ministri gjerman i Mbrojtjes kërkon shpenzime më të mëdha

Ministri i Mbrojtjes i Gjermanisë, Boris Pistorius, mbështet kërkesat e partnerëve të NATO-s për të forcuar objektivin e shpenzimeve të mbrojtjes së Aleancës. Ai mbështet mendimin se shpenzimet e dy për qind të Prodhimit të Brendshëm Bruto (PBB) duhet të jenë kufiri më i ulët në të ardhmen, tha Pistorius në një takim të ministrave të mbrojtjes të NATO-s në Bruksel.

"Dëshira për t'iu afruar objektivit dy për qind nuk do të mjaftojë," theksoi ai. Kjo duhet të jetë baza për gjithçka tjetër. Pistorius këtu aludoi për objektivin aktual të NATO-s. Kjo parashikon që të gjitha vendet e Aleancës i afrohen deri në vitin 2024 shifrës prej të paktën dy për qind të PBB të tyre për mbrojtjen.

Ministri gjerman i Mbrojtjes kërkon shpenzime më të mëdha

Sipas ministrit të Mbrojtjes, Boris Pistorius, kancelari gjerman Olaf Scholz dhe kreu i Partisë Social Demokratike (SPD) Lars Klingbeil mbështesin si ai një objektiv shumë më të lartë të NATO-s për shpenzimet e mbrojtjes. "Ky është pozicioni im, i kancelarit dhe kryetarit të partisë," tha Pistorius në kuadër të një takimi të ministrave të mbrojtjes të NATO-s në Bruksel. Negociatat për këtë temë duhet të zhvillohen brenda koalicionit qeveritar në ditët dhe javët në vijim.

Marrëveshja pritet më e vona deri në korrik

Diskutimet po zhvillohen brenda NATO-s për objektivin e ardhshëm. Një marrëveshje duhet të arrihet më e vona në samitin e ardhshëm të rregullt. Ai do të organizohet në datat 11 dhe 12 korrik në Vilnius, kryeqyteti i Lituanisë.

Ministri gjerman i Mbrojtjes kërkon shpenzime më të mëdha

Një forcim i objektivit prej dy për qind do të kërkonte, aktualisht, një rritje të shpenzimeve gjermane të mbrojtjes me një shumë dyshifrore miliardash. Deri tani, Gjermania ka shpenzuar dukshëm më pak se dy për qind të PBB-së së saj për mbrojtje. Sipas shifrave publike, kohët e fundit pritej një shifër prej vetëm 1.44 për qind për vitin 2022 - bazuar në shpenzimet e mbrojtjes sipas standardeve të NATO-s prej 55.6 miliardë dollarësh.

I pyetur nëse deklaratat e tij korrespondojnë me qëndrimin gjerman për negociatat e NATO-s, Pistorius tha: "Ne jemi duke u konsultuar për këtë brenda qeverisë federale dhe sigurisht që do t'i përfundojmë konsultimet së shpejti".

Bashkëpunim për mbrojtjen e krahut lindor

Ministri gjerman i Mbrojtjes kërkon shpenzime më të mëdha

Në kuadër të takimit u mësua gjithashtu se Gjermania, Britania dhe Kanadaja synojnë një bashkëpunim më të ngushtë për të mbrojtur tre partnerët baltikë të NATO-s, Lituaninë, Letoninë dhe Estoninë. Sipas Pistorius-it, për shembull, manovrat duhet të koordinohen më mirë me njëra-tjetrën. Koordinimi më i mirë ka edhe një efekt më të madh parandalues, shpjegoi politikani gjerman.

Sipas Pistorius-it, gjashtë vende ranë dakord të martën në mbrëmje për një dokument mbi këtë temë. Bëhet fjalë për mënyrën se si të mbrohen në mënyrë efektive shtetet baltike, një pjesë veçanërisht e ekspozuar e aleancës, tha ai.

Gjermania është, së bashku me Britaninë e Madhe dhe Kanadanë, një nga vendet kryesore të NATO-s në krahun lindor. Bundeswehr-i është kryesisht i pranishëm në Lituani, ku gjithashtu udhëheq një grup luftimi shumëkombësh./DW





Lajmet e fundit nga