web counter
LEXO PA REKLAMA!

SHKARKO APP

App Store
Google Play

E rrallë në Nju Delhi/ Arrestohet pas 10 vitesh ambasadori i rremë

26 Korrik 2025, 20:25, Kosova & Bota CNA

E rrallë në Nju Delhi/ Arrestohet pas 10 vitesh ambasadori i

Policia indiane arrestoi këtë javë një burrë pranë Nju Delhit, i cili ishte paraqitur si ambasador i vendeve fiktive për 10 vjet, duke mashtruar kërkuesit e punës me premtime për punë jashtë vendit.

Vardhan Zain i Harsh, 47 vjeç, kishte marrë me qira një shtëpi në Ghaziabad, një qytet rreth 30 kilometra nga Nju Delhi në shtetin e Uttar Pradesh, tha policia në një njoftim për shtyp.

Ai pretendonte të ishte ambasadori i "Arktikut Perëndimor, Samborga, Pulvia dhe Londonia", vende joekzistente.

Ai akuzohet për drejtim automjetesh me targa diplomatike të rreme dhe postim fotosh të manipuluara të vetes së bashku me zyrtarë të lartë indianë në mediat sociale për të rritur besueshmërinë e tij.

"Aktivitetet e tij kryesore ishin të vepronte si ndërmjetës parash për të gjetur punë jashtë vendit për kompani dhe individë, si dhe drejtimi i një rrjeti transferimi parash përmes kompanive fiktive",-tha policia pas arrestimit të tij.

Ambasadori i rremë akuzohet gjithashtu për pastrim parash.

Gjatë bastisjeve në shtëpinë e tij, policia sekuestroi shumën prej 45,500 eurosh në kartëmonedha, si dhe pasaporta dhe dokumente të falsifikuara që mbanin vulat e Ministrisë së Punëve të Jashtme të Indisë./CNA

 

 

 

 

 





Lajmet e fundit nga