web counter
LEXO PA REKLAMA!

SHKARKO APP

App Store
Google Play

Dymbëdhjetë të vdekur, 40 të zhdukur pas përmbytjeve në Afganistan

23 Korrik 2023, 11:42, Kosova & Bota CNA

Dymbëdhjetë të vdekur, 40 të zhdukur pas përmbytjeve

Të paktën 12 persona kanë humbur jetën dhe më shumë se 40 të tjerë janë zhdukur, pas përmbytjeve të shkaktuara nga shirat e rrëmbyeshëm në Afganistanin qendror, ka njoftuar një zëdhënës i autoriteteve të udhëhequra nga talibanët, të dielën.

Zabihullah Mujahid ka thënë më 23 korrik se ndihma urgjente po dërgohen në zonën e katastrofës, në qarkun e Jalrezit, në provincën Maidan Vardak.

“Me pikëllim të thellë kemi marrë lajmin se 12 prej qytetarëve tanë janë martirizuar dhe 40 të tjerë janë zhdukur”, ka thënë ai përmes një komunikate, raporton AFP.

“Janë shkaktuar edhe disa humbje financiare”, ka bërë të ditur zëdhënësi.

Zyra e guvernatorit provincial ka thënë nëpërmjet një komunikate se qindra shtëpi janë dëmtuar apo shkatërruar, dhe se njerëzit e zhdukur besohet të jenë nën rrënojat e shtëpive të shembura.

Sipas komunikatës, qindra hektarë tokë bujqësore janë përmbytur dhe shkatërruar, ndërsa autostrada ndërmjet kryeqytetit Kabul dhe provincës qendrore Bamijan është mbyllur për shkak të vërshimeve./REL/

 





Lajmet e fundit nga