LEXO PA REKLAMA!

SHKARKO APP

Bie qeveria e Bullgarisë/ Bllokohen negociatat për Shqipërinë dhe Maqedoninë e Veriut?

22 Qershor 2022, 18:34, Kosova & Bota CNA

Bie qeveria e Bullgarisë/ Bllokohen negociatat për

Asambleja Kombëtare në Bullgari rrëzoi nga detyra qeverinë e kryeministrit Kiril Petkov me 123 vota pro dhe 116 kundër, duke penguar në këtë mënyrë dhe vendimmarrjen për heqjen e vetos për Maqedoninë e Veriut.

Qeveria e Petkov nuk arriti t’i mbijetonte mocionit të mosbesimit të dorëzuar në Kuvend nga GERB për shkak të dështimeve ekonomike të qeverisë.

Qeveria e 99-të e Bullgarisë me kryeministër Kiril Petkov u zgjodh më 13 dhjetor 2021. Para formimit të saj, vendi shkoi në zgjedhje tri here, një rekord në historinë e Bullgarisë dhe vetëm parlamenti i zgjedhur më 15 nëntor arriti të emërojë një kabinet.

Pengesë e madhe ishte dhe bllokada e bisedimeve mes Maqedonisë së Veriut dhe Bashkimit Europian, të cilat Sofja kishte vënë veton për mospërputhjen e saj me Marrëveshjen e Fqinjësisë të vitit 2017, gjuhën e urrejtjes, shkatërrimin e monumenteve kulturore bullgare dhe falsifikimin e historisë bullgare.

Që në ditët e para të qeverisjes së tij, Petkov dhe këshilltari i tij për politikë të jashtme ndoqën një politikë të njëanshme ndaj Shkupit, duke anashkaluar Ministrinë e Jashtme dhe vendimet e marra unanimisht në vitin 2019./CNA.al

Lajmet e fundit nga