web counter
LEXO PA REKLAMA!

SHKARKO APP

App Store
Google Play

Turqia dhe Rusia arrijnë marrëveshje mbi eksportin e grurit ukrainas

22 Qershor 2022, 14:34, Kosova & Bota CNA
Turqia dhe Rusia arrijnë marrëveshje mbi eksportin e grurit ukrainas
Një anije e marinës ruse patrullon në portin detar të ngarkesave të Mariupolit

Një delegacion turk udhëtoi për në Moskë të mërkurën e 22 qershorit për të biseduar mbi mundësinë e rifillimit të eksporteve të grurit nga Ukraina përgjatë Detit të Zi.

Në takimin që zgjati disa orë në Moskë, përfaqësuesit e ministrive të mbrojtjes të Turqisë dhe Rusisë arritën një marrëveshje për bashkëpunimin e mëtejshëm për kalimin e sigurt të anijeve tregtare turke dhe eksportin e grurit nga portet ukrainase në Detin e Zi.

Miliona ton grurë dhe drithëra të tjerë janë bllokuar prej muajsh në portet e Ukrainës që nga nisja e pushtimit rus, duke sjellë shqetësime mbi krizën dhe rritjen e çmimeve në të gjithë botën.

“Palët diskutuan për daljen e sigurt të anijeve tregtare turke dhe eksportin e grurit nga portet e Ukrainës, po ashtu edhe mbi lundrimin e sigurt në Detin e Zi”, - thuhet në deklaratën e ministrisë ruse pas takimit të së martës.

Rusia ka mohuar në mënyrë të përsëritur bllokimin e kalimit të anijeve me grurë ukrainas, duke fajësuar sanksionet perëndimore si shkak për krizën ushqimore.

Të mërkurën një anije mallrash turke u largua nga porti i Mariupolit, qytetit ukrainas të pushtuar nga Rusia, pas një raundi bisedimesh "konstruktive" me Moskën, shkruhet në deklaratën e ministrisë së mbrojtjes së Turqisë, pa specifikuar nëse po transportonte grurë.

"Takimi në Moskë dha rezultatin e tij të parë konkret," tha ministria turke në një deklaratë.

“Vetëm pak orë pas përfundimit të takimit, anija turke e mallrave të thata, e cila priste prej ditësh, u largua nga porti ukrainas.

Deklarata shtoi se ‘Azov Concord’ u bë anija e parë e huaj që u largua nga porti në Mariupol - një qytet i shkatërruar nga bombardimet ruse./REL





Lajmet e fundit nga