web counter
LEXO PA REKLAMA!

SHKARKO APP

App Store
Google Play

E fundit!

x

“Banjska” që thelloi tensionet Kosovë-Serbi/ Nga vrasja e policit, tek organizatori dhe arsenalet e armëve

2 Janar 2024, 14:30, Kosova & Bota CNA

“Banjska” që thelloi tensionet Kosovë-Serbi/ Nga vrasja e

Në orët e para të 24 shtatorit 2023, dy kamionë pa targa ishin vendosur në urën në hyrje të fshatit Banjskë në Kosovë, duke e bllokuar lëvizjen.

Njësitë policore të Kosovës ndërhynë menjëherë, por personat që kishin hyrë në veri qëlluan me armë dhe vranë efektivin Afrim Bunjaku.

Incidenti ku u vra Bunjaku, shënoi fillimin e një përleshjeje të armatosur mes Policisë së Kosovës dhe një grupi të armatosur në Zveçan.

Pas vrasjes së punonjësit të policisë, dhjetëra persona të armatosur lëvizën nga ura dhe u vendosën në manastirin e fshatit Banjskë të komunës së Zveçanit dhe përreth tij.

Nga shkëmbimet e zjarrit u vranë edhe 3 sulmues serbë dhe u lënduan tre pjesëtarë të tjerë të Policisë së Kosovës. Përleshja përfundoi kur shumica e personave të armatosur u arratisën.

Fillimisht u tha se në veri kishin hyrë 30 persona të armatosur, por më pas, ministri i Brendshëm i Kosovës, Xhelal Sveçla, u shpreh se numri i agresorëve ishte mbi 90.

Nga ky numër i madh u arrestuan 8 persona, të cilët më pas iu dorëzuan Serbisë.

Milan Radoiçiç, arrestimi dhe lirimi i organizatorit të sulmit

Organizator i sulmit ishte Milan Radoiçiç, ish-nënkryetari i Listës Serbe, ndërsa u konfirmua se edhe personat e tjerë të armatosur ishin me shtetësi serbe.

Radoiçiç mori përgjegjësinë për sulmin, dha dorëheqjen si nënkryetar i Listës Serbe dhe hoqi dorë nga pronësia e kompanive në Serbi.

Autoritetet serbe e vunë në pranga dhe më pas e liruan, ndërsa refuzuan ekstradimin në Kosovë me argumentin se nuk e njohin si shtet dhe si rrjedhojë as institucionet e drejtësisë.

Radoiçiç është vendosur nën sanksione nga Shtetet e Bashkuara të Amerikës dhe Mbretëria së Bashkuar. Ai u shpall “non grata” nën dyshimet për krim të organizuar dhe korrupsion. Serbia tha se nuk e ka detyrim ndërkombëtar që t’i respektojë këto masa ndëshkuese.

Qëndrimi i ndërkombëtarëve dhe përgjegjësia që rëndon mbi Serbinë

Sulmi në Banjskë u cilësua si akt terrorist nga institucionet e Kosovës dhe diplomatët perëndimorë, ndërsa autoritetet në Serbi e mohuan të kishin lidhje me grupin.

Parlamenti i Kosovës dhe ai i Serbisë miratuan një rezolutë që dënonin agresorët.

Ata kërkuan që të kryhet një hetim ndërkombëtar për Serbinë, në mënyrë që të përcaktohet roli i Beogradit në sulm.

Lista Serbe shpalli tri ditë zie kombëtare në nder të 3 personave të armatosur që u vranë në përleshje me policinë.

Kritika të forta pati ndaj SHBA-ve nga Shqipëria dhe Kosova, si dhe vende të tjera për reagimin e vonuar të BE-së, e cila nuk dënoi në fillim sulmin në Banjskë.

Më pas, Shtetet e Bashkuara dhe Bashkimi Evropian dënuan ashpër sulmin dhe kërkuan që përgjegjësit të përballen me drejtësinë.

Rreth një muaj pas kësaj ngjarjeje, Parlamenti Evropian miratoi një rezolutë, ku dënoi agresionin serb të 24 shtatorit.

PE i bëri thirrje Bashkimit Evropian “që të vendosë masa kufizuese ndaj udhëheqjes serbe, nëse konfirmohet përfshirja e saj në sulmin në Banjskë”.

Arsenale armësh të sekuestruara në veri

Pas sulmit, autoritetet gjetën dhe sekuestruan arsenale armësh në disa operacione të ndryshme.

Pjesë të tyre ishin raketahedhës, granatahedhës, minahedhës, automatikë, snajpera, mitraloza, automjete ushtarake, eksplozivë, uniforma ushtarake, etj.

Sveçla tha se armët e gjetura mund të furnizonin qindra vetë për luftë.

Mediat në Kosovë raportuan se armët dhe municionet ishin prodhuar në fabrikat serbe dhe ish-jugosllave të armëve. Megjithatë, kjo nuk është konfirmuar./ CNA





Lajmet e fundit nga