web counter
LEXO PA REKLAMA!

SHKARKO APP

App Store
Google Play

E fundit!

x

Apeli në Kosovë i ul dënimin shitësit të armës me të cilën dyshohet se u vra Liridona Ademaj

14 Janar 2026, 16:59, Kosova & Bota CNA

Apeli në Kosovë i ul dënimin shitësit të armës me

Gjykata e Apelit e Kosovës ka vendosur të ulë dënimin e Tom Dodajt, i akuzuar për shitjen e armës me të cilën dyshohet se u vra Liridona Ademaj në nëntor të vitit 2023.

Dodaj, i cili kishte pranuar fajësinë për shitjen e paautorizuar të armëve, ishte dënuar në shkurt të vitit 2025 me pesë vjet burgim dhe 5 mijë euro gjobë. Vendimi i Apelit e uli këtë dënim në tre vjet burgim dhe 3 mijë euro gjobë.

Gjykata e Apelit e konsideroi dënimin fillestar si “të ashpër” dhe përmendi disa faktorë për uljen e tij: pranimin e fajësisë nga Dodaj, kërkimfaljen ndaj familjes së viktimës, dhe faktin që ai nuk kishte qenë në dijeni për përdorimin e armës që kishte shitur.

“Gjykata konstatoi gjithashtu se kjo ishte hera e parë që i akuzuari kishte shkelur ligjin. Rrethanat e veçanta tregojnë se edhe me një dënim më të ulët mund të arrihet qëllimi ndëshkues i paraparë nga Kodi i Procedurës Penale,” u shpreh Gjykata e Apelit.

 





Lajmet e fundit nga