LEXO PA REKLAMA!

SHKARKO APP

App Store
Google Play

E fundit!

x

"Amnesty International" shpreh keqardhje mbi reagimet ndaj raportit për Ukrainën

8 Gusht 2022, 14:11, Kosova & Bota CNA

"Amnesty International" shpreh keqardhje mbi reagimet ndaj raportit

Organizata për të drejtat e njeriut “Amnesty International" tha më 7 gusht se "ndien keqardhje të thellë për shqetësimin dhe zemërimin" e shkaktuar nga një raport që akuzonte Ukrainën për ekspozimin e civilëve ndaj sulmeve ruse.

Në raportin e 4 gushtit thuhej se ushtria ukrainase po rrezikon civilët duke u vendosur në ndërtesa banimi, shkolla dhe spitale dhe duke nisur kundërsulme nga zonat e populluara nga civilët.

Kryetarja e zyrës së "Amnesty International" në Ukrainë dha dorëheqje në shenjë proteste, duke akuzuar organizatën e të drejtave të njeriut për propagandë pro-ruse.

Presidenti Volodimir Zelenski tha se grupi i të drejtave ishte përpjekur të "amnistonte shtetin terrorist dhe të zhvendoste përgjegjësinë nga agresori te viktima".

Me anë të një komunikate për shtyp grupi i të drejtave tha: "Ne qëndrojmë plotësisht prapa gjetjeve tona", por theksoi "asgjë që ne dokumentuam mbi veprimet e forcave ukrainase nuk justifikon në asnjë mënyrë shkeljet ruse".

“Kjo nuk do të thotë se 'Amnesty International' i mban forcat ukrainase përgjegjëse për shkeljet e kryera nga forcat ruse, as që ushtria ukrainase nuk po merr masat e duhura paraprake diku tjetër në vend”, thuhet në deklaratë.

Në raportin e "Amnesty International" renditen incidente, në të cilat forcat ukrainase duket se kanë ekspozuar civilët ndaj rrezikut në 19 qytete dhe fshatra në rajonet e Harkivit, Donbasit dhe Mykolaivit.

Në deklaratën e lëshuar më 7 gusht, grupi për të drejtat e njeriut refuzoi të tërhiqej nga ky vlerësim.

Ai "gjeti raste kur forcat ukrainase ishin vendosur afër vendit ku jetonin civilët, duke i vënë në këtë mënyrë ata në rrezik nga zjarri rus".

Megjithatë, "Amnesty" pranoi shkallën e reagimit që raporti i saj kishte shkaktuar.

“'Amnesty International' shpreh keqardhje të thellë për shqetësimin dhe zemërimin që ka shkaktuar./REL

Lajmet e fundit nga