web counter
LEXO PA REKLAMA!

SHKARKO APP

App Store
Google Play

E fundit!

x

Kush është spiunia ruse që ndaloi Kosova, publikohen fotot me Karaxhiçin

7 Gusht 2022, 20:07, Kosova & Bota CNA

Gazetarja ruse Daria Aslamova, e cila u ndalua nga autoritetet e Kosovës nën dyshimin për spiunazh, është liruar dhe ka shkuar në Serbi.

Lajmin e bëjnë të ditur mediat ruse, sipas të cilave Aslamova u lirua gjatë orëve të natës mes së shtunës dhe së dielës dhe vijoi e vetme rrugën drejt kufirit mes Serbisë dhe Kosovës. Nga burimet mediatike mësohet se aktualisht ajo ndodhet në qytetin serb të Rashkës.

“Arrita në kufi në 4 të mëngjesit. Oficerët e policisë kufitare të Serbisë më kërkuan të sqaroja përse nuk kisha vulë deportimi”, – citojnë mediat gazetaren, e cila është tashmë në kontakt me ambasadën ruse në Serbi.

Edhe pse nga mediet serbe dhe ruse është cilësuar si gazetare, mediet në Kosovë kanë publikuar disa foto të Daria Aslamova ku shfaqet pranë kriminelit të dënuar me burgim të përjetshëm, Radovan Karaxhiç.

Gjithashtu, në internet janë publikuar disa foto nudo, të cilat mediet kosovare thonë se Daria Aslamova i ka publikuar vetë. Nisur nga raportet me Karaxhiç dhe fotot në internet, mediat kanë aluduar se Daria Aslamova ka ofruar edhe shërbime seksuale në këmbim të informacioneve./euronews





Lajmet e fundit nga