web counter
LEXO PA REKLAMA!

SHKARKO APP

App Store
Google Play

E fundit!

x

Katër anije nisin transportimin e grurit ukrainas

7 Gusht 2022, 11:37, Kosova & Bota CNA

Katër anije nisin transportimin e grurit ukrainas

Katër anije që bartin grurë dhe vaj luledielli janë larguar të dielën nga portet ukrainase përmes një korridori të sigurt.

Miliona tonë grurë kanë mbetur të bllokuar në Ukrainë për shkak të bllokadave ruse, duke kërcënuar me krizë ushqimore dhe rritje çmimesh në botë.

Javën e kaluar është shënuar hera e parë kur një anije është larguar me grurë nga portet ukrainase prej shpërthimit të luftës së Rusisë në Ukrainë më 24 shkurt.

Anija e parë ka transportuar 27.000 tonë të misrit.

Katër anijet që kanë nisur transportimin të dielën, do të inspektohen nga Turqia.

Ukraina dhe Rusia kanë arritur marrëveshje për eksportet e grurit, nën ndërmjetësim të Turqisë dhe Kombeve të Bashkuara më 22 korrik.

Sipas marrëveshjes, Rusia është pajtuar që të mos shënjestrojë anijet në transit.

Pas inspektimeve, dy anije do të ankorohen në Turqi, ndërsa dy të tjera në Itali dhe Kinë.

Zyrtarët ukrainas kanë thënë se ka shenja të qarta se procesi i eksportit të grurit është i sigurt dhe u kanë bërë thirrje kompanive që të kthehen në Ukrainë.

Marrëveshja është arritur për 120 ditë, dhe mund të zgjatet me pajtimin e palëve.

Rusia dhe Ukraina janë të dyja furnizuese kyçe të drithërave, dhe konflikti i vazhdueshëm vetëm ka vënë në pah brishtësinë e zinxhirit global të furnizimit me ushqime, kur dy shtetet kryesore janë jashtë tregut.

Më 2021, Rusia dhe Ukraina janë renditur si lidere globale në eksport të elbit, misrit, luleve të verdha për vajra, farave të lulediellit dhe vajit të lulediellit.

Së bashku, ato eksportojnë pothuajse 30 për qind të furnizimeve me grurë në botë. Rusia eksporton 17 për qind të grurit në nivel botëror, ndërsa Ukraina rreth 20 për qind të luleve të verdha për vajra./REL





Lajmet e fundit nga