web counter
LEXO PA REKLAMA!

SHKARKO APP

App Store
Google Play

Albin Kurti i përgjigjet Vuçiçit/ Çfarë qëndron pas deklaratave të presidentit serb

7 Nëntor 2022, 16:21, Kosova & Bota CNA
Albin Kurti i përgjigjet Vuçiçit/ Çfarë
Aleksandër Vuçiç dhe Albin Kurti

Duke marrë shkas nga situata e tensionuar në veri të Kosovës, kryeministri Albin Kurti doli sot në konferencë për mediat.

Në përgjigje të presidenti serb, Kurti tha se reagimet e Aleksandër Vuçiçit me tone të ashpra nuk janë për shkak të targave.

Sipas tij, këto kanë ardhur pasi Vuçiç ka refuzuar planin franko-gjerman për dialogun.

“Bëhet fjalë vetëm për refuzimin që ata ia kanë bërë propozimit të Parisit dhe të Berlinit. Janë intensifikuar kërcënimet dhe përpjekjet e Vuçiçit për destabilizimin e situatës në vendin tonë dhe këto kërcënime janë praktikisht të orientuara në drejtim të qytetarëve të vendit tonë nëpërmjet ngjalljes së frikës dhe panikut.

Kjo tregon qartë që presidenti i Serbisë koordinohet me Rusinë e Kinën, ndërsa gënjen e zhgënjen SHBA-në dhe BE-në. Institucionet po vazhdojnë me realizimin e lehtësuar të procesit të regjistrimit të targave ilagele në ato RKS – të shtetit tonë të pavarur, përfshirë edhe zbatimin e sekuencuar të vendimit të fundit të Qeverisë të datës 28 tetor 2022”, theksoi kryeministri i Kosovës./ B.A. – CNA.al





Lajmet e fundit nga