web counter
LEXO PA REKLAMA!

SHKARKO APP

App Store
Google Play

“25 vite nga nata tragjike në veri”/ Kurti: Sulm i koordinuar i serbëve, kërkojmë drejtësi!

3 Shkurt 2025, 20:47, Kosova & Bota CNA

“25 vite nga nata tragjike në veri”/ Kurti: Sulm i koordinuar i

Kryeministri i Kosvës, Albin Kurti kujtoi natën tragjike të 25 viteve më parë në veriun e Mitrovicës, kur sulmi i koordinuar i grupeve të armatosura serbe vranë 10 qytetarë shqiptarë mes tyre edhe gra e fëmijë. Kurti, theksoi se autorët ende nuk janë dënuar, ndërsa shtoi se ai kërkon që të bëhet drejtësi, si një hap i domosdoshëm për paqen në Kosovë dhe rajon.

Postimi i Albin Kurtit:

“Në këtë përvjetor të 25-të të ngjarjeve tragjike të natës mes 3 dhe 4 shkurtit 2000 në veri të Mitrovicës, përkujtojmë viktimat e asaj nate të tmerrit.

Në atë sulm të koordinuar nga grupe të armatosura të Serbisë, u vranë 10 qytetarë shqiptarë, përfshirë fëmijë, gra dhe të moshuar, dhe u plagosën 25 të tjerë. U dëbuan me dhunë nga shtëpitë e tyre 1.664 familje shqiptare, rreth 12.000 qytetarë të Mitrovicës.

Pas një çerek shekulli, disa prej të dëbuarve po kthehen në shtëpitë e tyre. Qeveria e Republikës së Kosovës është e përkushtuar të sigurojë që të gjithë ata që dëshirojnë, të kthehen në mënyrë të sigurt dhe në shtëpitë e tyre të rindërtuara.

Por shumë ende nuk janë kthyer, ndërsa autorët e këtyre krimeve të rënda nuk janë përballur ende me drejtësinë.

Me letrën e drejtuar përfaqësueses së lartë të BE-së për Politikën e Jashtme dhe Sigurinë, znj.Kaja Kallas, kërkojmë hetim të plotë dhe gjithëpërfshirës për të identifikuar dhe ndjekur penalisht përgjegjësit e këtyre krimeve.

Drejtësia për viktimat dhe familjet e tyre është detyrim moral dhe hap i domosdoshëm drejt paqes së qëndrueshme në Republikën e Kosovës dhe rajonin tonë”, tha Kurti. /CNA

“25 vite nga nata tragjike në veri”/ Kurti: Sulm i koordinuar i

“25 vite nga nata tragjike në veri”/ Kurti: Sulm i koordinuar i





Lajmet e fundit nga