web counter
LEXO PA REKLAMA!

SHKARKO APP

App Store
Google Play

E fundit!

x

14 të vrarë e dhjetëra të plagosur nga sulmet ruse në Kharkiv

26 Maj 2024, 15:41, Kosova & Bota CNA

14 të vrarë e dhjetëra të plagosur nga sulmet ruse në

14 persona mbetën të vrarë dhe dhjetëra të tjerë u plagosën si pasojë e sulmeve të trupave ruse në një qendër tregtare në Khrakiv të Ukrainës, njoftuan sot zyrtarët vendas.

Dy bomba goditën qendrën tregtare “Epicentr DIY” në një zonë banimi të Kharkivit të shtunën pasdite, tha në televizionin kombëtar guvernatori rajonal Oleh Syniehubov.

Sulmet shkaktuan zjarr masiv dhe shtëllunga të mëdha tymi. Sipas prokurorisë lokale, 43 persona mbetën të plagosur.

Kryetari i Bashkisë së Kharkivit, Ihor Terekhov, njoftoi se rreth 120 veta gjendeshin brenda qendrës tregtare gjatë sulmit.

"Sulmi kishte në shënjestër qendrën tregtare, ku kishte shumë njerëz, ky është padyshim terrorizëm", tha zoti Terekhov.

Në një postim në rrjetin "Telegram", ministri i Brendshëm i Ukrainës, Ihor Klymenko tha se 16 persona rezultojnë ende të zhdukur. Javën e kaluar ka pasur një rritje të sulmeve në Kharkiv ndërsa Moska ka hapur një front të ri lufte në qytetin e dytë më të madh të Ukrainës.

Ndërkohë, sot, Presidenti i Ukrainës, Volodymyr Zelenskiy i bëri thirrje Presidentit të Shteteve të Bashkuara Joe Biden dhe atij kinez Xi Jinping, që të marrin pjesë në takimin e nivelit të lartë të paqes që mbahet muajin e ardhshëm në Zvicër.

Përmes një videojë në gjuhën angleze, ndërsa gjendej në rrënojat e një objekti të shkatërruar nga sulmet ruse të enjten, zoti Zelenskiy tha se takimi i nivelit të lartë do të “dëshmojë se kush dëshiron vërtet fundin e luftës”.

“Po u bëj thirrje udhëheqësve që ende nuk janë përfshirë në përpjekjet për Takimin Botëror për Paqe: Presidentit Biden dhe Presidentit Xi. Ju lutem dëshmoni udhëheqjen tuaj në përparimin e paqes, paqes së vërtet, dhe asaj afatshkurtër”, tha Presidenti i Ukrainës.

Rusia thotë se nuk sheh dobi nga takimi, në të cilin deri tani Moska nuk është ftuar./ Voa





Lajmet e fundit nga