web counter
LEXO PA REKLAMA!

SHKARKO APP

App Store
Google Play

E fundit!

x

“Mungesë qartësie për rregullat e lojës”/ Alemanno: As Von der Leyen nuk ka siguri që do të përzgjidhet në PE

25 Maj 2024, 21:27, Kosova & Bota CNA

“Mungesë qartësie për rregullat e lojës”/

Profesori Alberto Alemanno ka deklaruar se aftësia e BE për të përkthyer rezultatin e zgjedhjeve të reja në PE është bërë më e vështirë.

I ftuar në podacstin e Ditmir Bushatit, "Public Square", Alemanno është shprehur se 20 vite më parë ishte më e lehtë të identifikohej se kush do të udhëhiqte Komisionin Europian, ndërsa në 2024 kjo duket më e komplikuar.

Sipas profesor Alemannos, në 2019 u deshën disa javë për përcaktuar Presidentin e Komisionit Europian ndërsa në 2024 do të nevojitet më shumë kohë për të arritur një kompromis të tillë politik.

Alemanno thekson se në 2024 ka një mungesë qartësie në rregullat e lojës. Ai nënvizon se as Von der Leyen, e cila duket se është kandidatja më e mundshme për këtë pozicion, nuk ka asnjë siguri që në fund do të përzgjidhet nga krerët e shteteve dhe të qeverive.

Ai shton se, e gjitha kjo pamundësi për të lexuar sistemin si një pasqyrim të votave të qytetarëve në një shumicë politike e bën atë një ushtrim shumë më të vështirë sesa në shtetet anëtare të BE-së, apo në çdo vend tjetër të botës

“Me kalimin e kohës, aftësia e BE-së për të përkthyer rezultatin e zgjedhjeve të reja dhe në një udhëheqje të re politike, është bërë më e vështirë.

15-20 vite më parë ishte e lehtë të identifikohej se kush do të mund të udhëhiqte komisionin presidencën e PE, pozicionet kyçe si Banka Qendërore Europiane.

Tani çdo gjë është më e komplikuar. E kemi parë në vitin 2019 teksa udhëheqësve europianë iu deshën disa javë që të përcaktonin presidentin e Komisionit Europian.

Mund të presim që në vitin 2024 do të nevojitet më shumë kohë për të arritur një kompromis të tillë politik, për ta europianizuar në një farë mënyre këtë proces politik, për ta bërë më të lehtë.

Në vitin 2009 në traktatin e Lisbonës, ku ishte hera e fundit që ndryshuam rregullat e lojës, u përcaktua se çdo parti duhej të caktonte një kandidat kryesor një spitzenkandidaten, për të përdorur termin në gjermanisht që vjen nga ai sistem zgjedhor.

Ideja ishte shumë e thjeshtë. Ideja ishte që t’i tregohej zgjedhësit se vota e tij ose e saj do të lidhej me ngjyrën politike të qeverisë së ardhshme të Europës.

Ideja ishte që t’i tregohej zgjedhësit se vota e tij ose e saj do të lidhej me ngjyrën politikë të qeverisë së ardhshme të Europës.

Sistemi funksionoi mirë vetëm një herë. Në vitin 2014 kur udhëheqësit kryesorë të partive popullore europiane morën shumicën e votave, zoti Juncker u bë President i Komisionit.

Në vitin 2019, nuk ndodhi e njëjta gjë. Asnjë nga spitzenkandidaten, asnjë nga kandidatët e sugjeruar nga partitë politike europiane nuk u zgjodh.

Zoti Webber që në parim ishte fituesi në letra u mënjanua nga krerët e shteteve dhe të qeverive të Këshillit Europian, të cilët zgjodhën me shumë kujdes ministren e mbrojtjes të asaj kohe zonjën Von der Leyen e cila papritur u bë presidentja e radhës e Komisionit Europian pa kandiduar për PE dhe pa pasur gati një program politik.

Në vitin 2024, ka përsëri një mungesë qartësie për rregullat e lojës.

Nëse secila parti politike ka përzgjedhur një kandidat, të paktën një kandidat, nga krahu i gjelbër në krahun e djathtë në të djathtën ekstreme, as zonja Von der Leyen, e cila duket se është kandidatja më e mundshme për këtë pozicion, nuk ka asnjë siguri që në fund do të përzgjidhet nga krerët e shteteve dhe të qeverive.

Pra, e gjitha kjo pamundësi për të lexuar sistemin si një pasqyrim të votave të qytetarëve në një shumicë politike e bën atë një ushtrim shumë më të vështirë sesa në shtetet anëtare të BE-së, apo në çdo vend tjetër të botës”, ka thënë profesor Alemanno në Public Square me Ditmir Bushatin./ CNA





Lajmet e fundit nga