web counter
LEXO PA REKLAMA!

SHKARKO APP

App Store
Google Play

E fundit!

x

Italia premton 35 milionë euro shtesë për palestinezët

25 Maj 2024, 13:09, Kosova & Bota CNA
Italia premton 35 milionë euro shtesë për palestinezët
Antonio Tajani

Italia do të vazhdojë të financojë Agjencinë e Kombeve të Bashkuara për Ndihmën dhe Punën për Refugjatët palestinezë (UNRWA) si pjesë e një pakete ndihme prej 35 milionë eurosh, tha sot ministri i Jashtëm italian, Antonio Tajani, gjatë një takimi në Romë me kryeministrin palestinez, Mohamed Mustafa. 

Tajani saktësoi se pesë milionë euro do të caktohen për projektet e UNRWA-s, ndërsa 30 milionë euro të mbetura do të caktohen për nismën “Ushqim për Gazën” që ai ka nisur, raporton "Reuters".

“Italia ka vendosur të vazhdojë financimin e disa projekteve që synojnë të ofrojnë ndihmë për refugjatët palestinezë, por vetëm pas një kontrolli rigoroz që fondet nuk do të përdoren për të mbështetur terrorizmin”, tha Tajani.

Italia ishte njëra nga një numër vendesh që bllokoi ndihmën e UNRWA-s pas akuzave izraelite se një duzinë punonjësish të agjencisë ishin përfshirë në një sulm të 7 tetorit nga Hamasi në Izraelin jugor.

Agjencia e Kombeve të Bashkuara për Ndihmën dhe Punën për Refugjatët palestinezë punëson 13,000 njerëz në Rripin e Gazës dhe menaxhon shkollat, klinikat shëndetësore parësore, shërbimet sociale dhe shpërndarjen e ndihmave humanitare në enklavën palestineze.

Organizata e OKB-së për Ushqimin dhe Bujqësinë (FAO), Programi Botëror i Ushqimit (WFP) dhe Federata Ndërkombëtare e Shoqatave të Kryqit të Kuq dhe Gjysmëhënës së Kuqe marrin pjesë në nismën "Ushqimi për Gazën"./CNA 

 





Lajmet e fundit nga