web counter
LEXO PA REKLAMA!

SHKARKO APP

App Store
Google Play

Mitsotakis paralajmëron RMV-në: Nëse devijon nga kursi i rënë dakord, rrugën e Evropës e ke të mbyllur

25 Maj 2024, 09:54, Kosova & Bota CNA
Mitsotakis paralajmëron RMV-në: Nëse devijon nga kursi i
Kryeministri grek, Kiriakos Mitostakis

Kryeministri grek, Kiriakos Mitostakis, ka folur lidhur me marrëdhëniet e tensionuara me Maqedonine e Veriut.

 “Kur dikush e tërheq litarin, duhet të jetë gati dhe të thyhet”, ka deklaruar kryeministri grek. “Dhe nëse del nga kursi i rënë dakord, le ta dijë se do ta gjejë të mbyllur rrugën drejt Evropës, rrugë e cila kalon nga Greqia dhe respektimi i së drejtës ndërkombëtare”, është shprehur kryeministri grek. 

Lidhur me marrëdhëniet me Turqinë, Mitsotakis bëri gjithashtu të qartë se “nuk diskutohet për një zgjidhje paketë”.

Ai theksoi se Greqia nuk i harron mosmarrëveshjet e saj me Turqinë, duke shtuar se megjithatë, “kjo nuk do të thotë se duhet të jetojmë me gishtin në këmbëz gjatë gjithë kohës”.

“Dhe për shkak se disa njerëz në Greqi dhe Turqi ushqehen me krizën greko-turke, pyesni kritikët tanë për rezultatet e politikës sonë, të cilët shohin uljen e flukseve të emigracionit. Ose banorët tanë të ishullit që kanë parë rritjen e ekonomive lokale nga vizitorët turq. Shih edhe pozicionin e Greqisë në kontekstin ndërkombëtar. Konfrontim apo tentativë për të bashkëjetuar me fqinjin tonë kur pak më poshtë Lindja e Mesme është në flakë dhe në zemër të Evropës lufta është ndezur?", shtoi Mitsotakis./CNA 





Lajmet e fundit nga