LEXO PA REKLAMA!

SHKARKO APP

E fundit!

x

Xhepat e konsumatorëve në krizë/ Rritet çmimi i qumështit dhe bulmetit

9 Shkurt 2023, 13:56, Ekonomi CNA

Xhepat e konsumatorëve në krizë/ Rritet çmimi i

Anëtari i kryesisë së Partisë së Lirisë, Edmond Panariti ka dhënë alarmin se po abuzohet me rritjen e çmimeve të bulmetit.

Sipas tij, shpallja e rritjes së mëtejshme të çmimeve të qumështit dhe bulmetit me 37% është një abuzim dhe spekulim i pastër.

Në një dalje për mediat, Panariti ka thënë se është thjesht një akt penalizues dhe shfrytëzues në dëm të qytetarëve, konsumatorëve me standardin më të ulët të jetesës në Evropë.

“Dhe mendoni që kjo ndodh në një vend ku një në katër vetë jeton me aq të ardhura në ditë sa për të blerë jo më shumë se 1 litër qumësht.

Nuk ka asnjë logjikë dhe arsyetim financiar, ekonomik për këtë rritje.

E kundërta është e vërtetë!

Statistikat tregojnë se këtë fillim viti çmimet e qumështit dhe të bulmetit në Bashkimin Evropian dhe në Shtetet e Bashkuara të Amerikës janë mesatarisht 33% më të ulta krahasuar me shtatorin e vitit të kaluar.

Mendoni pak se edhe pa hyrë në fuqi kjo rritje abuzive e shpallur e çmimit të qumështit dhe e nënprodukteve”, është shprehur Panariti.

Sipas tij, sot në Tiranë, qytetari e paguan një litër qumësht 41% më shtrenjtë se në Prishtinë Kosovë, 47% më shtrenjtë se në Dresden /Gjermani.

50% më shtrenjtë se në Bratislavë/Sllovaki, 33% më shtrenjtë se në Çikago të Shteteve të Bashkuara. 37% më shtrenjtë se në Zagreb të Kroacisë, 28% më shtrenjtë se në Lion të Francës.

“Edhe pa pritur këtë rritje absurde të shpallur me arrogancë, do të mjaftonin vetëm këto shifra që unë sapo i ndava me ju për ndërhyrjen urgjente të Autoritetit të Konkurrencës, të Komisionit Parlamentar të Aktiviteteve Prodhuese. Për të ndalur sa më shpejt këtë abuzim dhe shkelje të drejtave të qytetarëve dhe të konsumatorëve.

Dhe nëse nuk e bëjnë këtë, u takon qytetarëve të mbrojnë veten dhe familjet e tyre të ndalin shtypjen dhe abuzimin me darën e çmimeve të cilat thellojnë varfërinë dhe kequshqyerjen.

Protestat si mjet demokratik i reagimit qytetar i shërbejnë ndër të tjera edhe këtij qëllimi”, është shprehur më tej ai./CNA.al

Lajmet e fundit nga