web counter
LEXO PA REKLAMA!

SHKARKO APP

App Store
Google Play

E fundit!

x

Të huajt shpenzuan më shumë se 1 miliard euro në Shqipëri për tremujorin e parë

10 Qershor 2026, 18:49, Ekonomi CNA

Të huajt shpenzuan më shumë se 1 miliard euro në

Tre muajt e parë të këtij viti kanë sjellë një nivel rekord të ardhurash nga shtetasit e huaj që kanë udhëtuar në Shqipëri.

Në kahun tjetër, edhe shpenzimet e shqiptarëve jashtë kanë arritur shifra të papara deri tani.

Të dhënat e Bankës së Shqipërisë në bilancin e pagesave bëjnë të ditur se në 3 mujorin e parë të vitit 2026, shpenzimet e të huajve që kanë udhëtuar në Shqipëri arritën në total 1 miliard e 4 milionë euro. Kjo është shifra më e lartë e regjistruar ndonjëherë pas viteve ’90 dhe reflekton kthimin e Shqipërisë në një destinacion të preferuar turistik këtë vit. Shpenzimet e të huajve për udhëtime janë rritur me 14.8% në krahasim me të njëjtën periudhë të një viti më parë.

Të dhënat e tjera të INSTAT bënë të ditur se në tre muajt e parë të vitit, në vend hynë 1.67 milionë shtetas të huaj, me një rritje minimale prej 3.2% në krahasim me të njëjtën periudhë të një viti më parë. Ecuria e dobët u ndikua nga dy muajt e parë të vitit, ku në janar ranë me 1.5% dhe në shkurt u rritën me vetëm 0.03%, të ndikuara dhe nga moti i pafavorshëm. Në mars turizmi filloi të gjallërohej, me hyrjet që u rritën me 10.8%.

Ndonëse të huajt kanë shtuar shpenzimet në Shqipëri, e njëjta gjë ka ndodhur dhe me shtetasit shqiptarë që udhëtojnë jashtë. Megjithatë, më shumë para kanë mbetur në vend. Sipas Bankës së Shqipërisë, bilanci i udhëtimeve, që mat diferencën mes shpenzimeve të të huajve në Shqipëri dhe shqiptarëve jashtë ishte  363 milionë euro në tremujorin e parë të vitit.

Që prej vitit 2015, Shqipëria ka një bilanc pozitiv të udhëtimeve, që ka ardhur duke u rritur viti pas viti./Monitor 





Lajmet e fundit nga