web counter
LEXO PA REKLAMA!

SHKARKO APP

App Store
Google Play

E fundit!

x

Pikëpyetjet për “Jet Bank”/ Guvernatori Sejko jep sqarime në Komisionin e Ekonomisë

12 Qershor 2026, 15:37, Ekonomi CNA

Guvernatori i Bankës së Shqipërisë, Gent Sejko, ndau sot disa shpjegime lidhur me rastin e “Jet Bank”.

Duke folur para Komisionit të Ekonomisë, Sejko iu përgjigj interesimit të deputetëve demokratë, mes të cilëve Belind Këlliçi dhe Enno Bozdo, teksa u shpreh se ky hap ndërmerret bazuar në konkurrencën dhe zhvillimet e tregut financiar.

Sejko pranoi se është përgjegjësi e BSH-së që të monitorojë, mbikëqyrë dhe analizojë sigurinë financiare të kësaj banke digjitale, bazuar edhe në përvojën e vendit në këtë fushë.

Guvernatori shtoi se kjo përpjëkje bëhet për të formalizuar dhe lehtësuar sistemin e pagesave dhe për të futur cash-in më shumë në sistemin bankar, duke mos mbetur pas në kohë në sistemin e monitorimit të pagesave.

“Bankat tradicionale, përtej bankave digjitale, kanë bërë zhvillime të konsiderueshme në fushat digjitale, pothuajse të gjitha. Konkurrenca dhe zhvillimet në tregun financiar vijnë edhe si pasojë e ndryshimeve ligjore rregullatore. Këto banka kanë zhvilluar tregun. Janë akoma duke u përshtatur. Ndryshimi është që kjo bankë digjitale nuk do të pranojë cash. Natyrisht që është përgjegjësia jonë dhe analiza jonë për të bërë dallimin midis e-bank, përfshirë edhe analizën për mbikëqyrje dhe siguri. Por në aspektin e produkteve dhe produktivitetit, Shqipëria deri diku ka prodhuar një përvojë, jo vetëm nga tregu FinTek, por edhe nga bankat, nga zhvillimet në fushën digjitale. Nuk është në nivelet europiane dhe natyrisht cash jashtë sistemit bankar është në nivele të larta në Shqipëri. Por kjo përpjekje bëhet për të formalizuar dhe lehtësuar sistemin e pagesave dhe për të futur cash-in më shumë në sistemin bankar, duke mos mbetur pas në kohë në sistemin e monitorimit të pagesave”,-tha Sejko./CNA

 





Lajmet e fundit nga