web counter
LEXO PA REKLAMA!

SHKARKO APP

App Store
Google Play

Miratohet akti normativ për uljen 20% të akcizës te nafta dhe benzina/ Ja në cilin rast do të zbatohet

3 Prill 2026, 15:28, Ekonomi CNA

Miratohet akti normativ për uljen 20% të akcizës te nafta dhe

Qeveria ka miratuar aktin normativ për uljen e akcizës 20% te nafta dhe benzina. Ministri i Financave, Petrit Malaj, ka sqaruar se vendimmarrja do të zbatohet në rast se çmimi i shitjes me pakicë, i përcaktuar nga Bordi i Transparencës, do të jetë: Mbi 220 lekë për litër për naftën dhe mbi 200 lekë për litër për benzinën.

“Ashtu sikundër Kryeministri Edi Rama ka premtuar që në krye të herës, për të marrë masa konkrete dhe të prekshme për të amortizuar efektet e prodhuara si rezultat i konfliktit në Iran, qeveria shqiptare sot ka ndërmarrë Aktin Normativ për të ulur akcizën, si rrjedhojë e rritjes së çmimit të naftës në tregjet ndërkombëtare, sidomos në 48 orët e fundit.

Ky Akt Normativ parashikon uljen e akcizës me 20%, në rast se çmimi i shitjes me pakicë, i përcaktuar nga Bordi i Transparencës do të jetë:

Mbi 220 lekë për litër për naftën;

Mbi 200 lekë për litër për benzinën”.

Sipas ministrit të Financave, Petrit Malaj, ky Akt Normativ do të jetë në fuqi deri në stabilizimin e plotë të situatës të krijuar ndërkombëtarisht.

Ne jemi të angazhuar plotësisht që t’i përgjigjemi me përgjegjshmëri çdo sfide, duke mbrojtur qytetarët shqiptarë nga efektet financiare të prodhuara si rezultat i këtij konflikti, por edhe të mbrojmë buxhetin e shtetit dhe ekonominë e vendit tonë, sidomos në një moment kritik si ky që po përballet bota sot.

Bordi ka njoftuar operatorët se do të mblidhet ditën e sotme. Aktualisht nafta tregtohet me 218 lekë dhe pritet që të shkojë përtej kufirit të 220 lekëve, që automatikisht aktivizon uljen me 20% të akcizës së naftës, sipas vendimit të qeverisë. /Monitor





Lajmet e fundit nga